Кин марлэсь кышка?

Удмурт Дунне
By Удмурт Дунне 1 мая, 2020 17:43
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Кышкыт вирус вӧлмемен валче эрике пото олокыӵе но пӧськыос. Кин ке юнме шорысь чагиське. Мукетыз, висемзэ валаса но, калык пӧлтӥ ветлэ. Куинетӥез, кивалтон пуконэзлэсь шальтрамзэ шӧдыса, лыдпусъёсты гинэ но ивортыны кышка.

Пичи Пурга ёросысь огаз семьяын 2 нылзы. Огез быземын Иже, мукетыз улэ Мос­кваын. Ижысь нылзы сьӧд машинаен бертӥз но, Петровъёслэн бускельёссы участковойлы соку ик чагиськизы: Петровъёслэн Москваысь Анязы вуиз кадь. 3 ар талэсь азьло таӵегес ик сьӧд машинаен бертылӥз вал. Табере участковой Петровъёслэн капка азязы котькуд нунал сямен кожа, кузпалъёслы тодазы вайытэ: москваосты вуизы ке, карантинэ ӵогаськоно луоз.

Алнаш ёросысь коронавирусэн черлам нылкышно калык пӧлтӥ ветлӥз. Висемзэ шӧдыса но, больничное потыны ӧз быгаты. Малы ке шуоно уже интыяськыкуз, договор гожтон сярысь ӧз малпа. Кышномурт огназ 2 нылпи будэтэ, аслыз сяна, нокинлы оскыны. Соин уж сётӥсьлы пумит ӧз мыны, нялтас кариськиз — договор ӧз гожты. Ужбергатӥсь озьы вытъёссэ ватӥз, табере больничной но уз тыры, выльысь ужаны но, оло, уз куты. Нош черлам нылкышно гуртысь магазинэ но, почтае но вуылӥз — ассэ но ӧз утьы, мукетъёсыз сярысь но ӧз малпа.

Пичи Пурга ёрос больницаын вань куронъёс тӥямын вал. 1 висисез терапияя отделение огъя палатае пыртӥзы, кӧня ке нунал ортчыса гинэ Ижысь инфекционное келяны тодазы лыктӥз. Табере Пургалась валтӥсь врач номыр вераны уг тоды. Тани ёрос больницаын 2 отделение карантинэ ворсамын. Отын 70 мурт, шуо. Озьыен, 2 арня ӵоже та лыдпус воштӥськыны кулэ ӧвӧл. Нош валтӥсь врач кабинетаз ик уг пыралля, лэся. Приёмно­йысьтыз секретарь верамъя, кивалтӥсь я Иже кошкемын, я кенеш ортчытэ, я кабинетысь потэмын — журналистэн вераськыны уг быгаты…

Таӵеосын висёнэз дугдытыны секыт луоз. Но, ярам, вань ай калык понна сюлмаськисьёс. Яре Москваысь вахтаысь бертӥсь воргорон ёросын улӥсьёсты но, семьязэ но кышкытлыклэсь утьыны быгатӥз. Поездын бертыкуз, солэн температураез ӝутӥськиз. Черламез сярысь со ивортӥз семьяосызлы. 17-тӥ апреле поездысь васькиз но, сое перронын пумитазы ни эмъясьёс. Воргоронэз келязы Ижысь инфекционной больницае. Висисьлэн коронавирусэз шараямын вал. Яр ёрослэн йырыз Александр Старцев тау кариз ёрос больницалэн валтӥсь врачезлы Екатерина Семёновыхлы рос-прос но дыраз ужрадъёс кутэмез понна.

________

ШӦКЫЧ УРОМ

Удмурт Дунне
By Удмурт Дунне 1 мая, 2020 17:43
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<