3-7 аресъем нылпиосын семьяос июньысен толэзьлы быдэ сётӥськись пособие басьтыны кутскозы

Related Articles

• Сентябрьлэн тодметъёсыз 0 13.Сен
• Иже люкаськылӥзы Россиысь но кунгож сьӧрысь финно-угроведъёс 0 07.Июн
• Ӵошатон пыр улон 0 31.Янв

3-7 аресъем нылпиослы толэзьлы быдэ выплатаос сярысь закон пыӵаны кулэ вал туэ 1-тӥ июльысен. Ёрмись семьяос та юрттэтэз ӝоггес мед басьтозы шуыса, Президент В. Путин куриз сое толэзьлы вазьгес быдэсъяны кутскыны — 1-тӥ июньысен. Куриськонъёсты кутозы капчиятэм амалъя — Россиысь кун услугаосъя огъя портал яке МФЦ-ос, яке калыкез улон-вылонын утёнъя кун ёзъёс пыр (улон интыя).

Куриськон сяна, нокыӵе документъёс бичано уз луы ни. Калыкез улон-вылонын утён политикая но ужъя министерствоысь специалистъёс кулэ луись справкаосты пӧртэм ведомствоослэсь асьсэос курозы-шедьтозы.

Та выплатаез басьтозы сыӵе семьяос, кытын адямилы быдэ доход улыны тупатэм минимумлэсь ичигес люкаське (9 сюрс 992 манетлэсь ӧжытгес). Толэзьлы быдэ тыриськоз 4 сюрс 982 манет. Сётӥськоз со нылпилы быдэ. Юрттэт висъяськоз, туэ вань толэзьёсты лыдъяса. Куриськон али ик гожтыны мылкыд карисьёс лачак ни, но соосты кутыны кутскозы 1-тӥ июньысен гинэ.

Таӵе юрттэт сётӥськоз шаерысьмы 23 сюрслэсь ятыр нылпиос понна.

Елена Никитина