Шӧкыч: Зарни лимон

Удмурт Дунне
By Удмурт Дунне 30 апреля, 2020 17:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Эх, кӧня меда адями узырмиз ни та каръян коронавирус чотын?

Кытысь тӧл пельтӥз, уд тоды ни табере. Но Россиын улӥсьёс вирусэз вормыны малпазы, чеснок, имбирь но лимон сиыса. Таӵе мылкыдзэс соку ик тодӥзы вуз карисьёс.

Табере лимон зарни дунын, ява. Таиз ог 4-5 поллы дунояз. Соин лавкаын лимонлы но 100 граммез понна дун пукто. Валантэм мыным, кыӵе писпуысь бичало та цитрусэз. Малы мандаринэз 139 манетэн басьтыны луэ, нош лимонэз — 400 манетэн?

Чеснокез но табере зынъялод гинэ, ява. Ярам, аслад будэтэмед тол ӵоже сиыса ӧз быры ке. Нош запасъёсыд куасьмизы ке, иське, нош ик магазинысь утчаськоно: кило чеснок понна 300 манеттэ потты.

Вирусэн нюръяськыны «юртто» туно-пелёос но. Но соос табере адямиен уг пумисько — дистанционно «пеллясько». Ижысь ялонъёс вӧлмытӥсь газетын 2 арня ӵоже ивор сётъязы коронавируслэсь пеллясь Анна Андреевна сярысь. Но берло арняе кышномурт та черлэсь утьыны уг ни сӥзьы — вирус сотэк но ортчоз, шуэ.

Асьмеды мукет сямен но кышкато: коронавирус симптомъёстэк но ортчыны быгатэ, пе. Нош кин ке кизьнэмлэсь но куалектэ, Интернетын экспресс-тестъёс вузало —
2 сюрс 900 манетэн. Сое, пе, Китайын лэсьтӥллям, бордаз ӟуч кылын инструкциез но вань.

Нош зэмзэ ке, таӵе курдасьёслы юрттыны дасесь ини Ижысь дунын ужась клиникаос. Адями лабораторие ачиз лыктыны быгатэ, температураез ӧвӧл ке, зырымез уг вия ке. Эн гинэ вунэты сьӧрад уксё кутыны. Анализ дась луоз нунал куспын.

Йылпумъяса верам потэ: эн оскелэ зулисьёслы, эн пазялэ уксёдэс, эсьма, маска вуре, кидэс ӟечгес миське но дорады пукелэ.

________

ШӦКЫЧ УРОМ

Удмурт Дунне
By Удмурт Дунне 30 апреля, 2020 17:00 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<