Шаерысьтымы вал вордӥсьёс шуге-леке вуэмын

Удмурт Дунне
By Удмурт Дунне 30 апреля, 2020 16:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Коронавирусэн сэрен конной клубъёс ворсаськемын, доходзы усемын, пудолы сиён тырмыт уг йӧты.

Туспуктэм: udmdunne.ru

Ижын ипподром бордын гинэ валэн ворттылыны дышетсконъя но шутэтсконъя 3 клуб ужа. Озьы ик тодмо луо но калыкез бордазы кыско Алнаш, Ува, Дэбес, Дэри, Глазов, Сарапул, Вотка но Шаркан ёросъёсысь клубъёс. Татын куноос быгато вал вылын ворттылыны, инкуазетӥ поръяны, туспуктэмъёс лэсьтыны. Анай-атайёс висись пиналъёссэс вайыло, валэз сюдон гинэ но нылпилы эмъюм выллем луэ шуыса. Со сяна, валэн ӵошатсконъёслы дасяськыны татын ваньмыз вань. Та чотын ик уло вал клубъёс.

Коронавирус вакытэ ужзэс огдырлы дугдытӥзы. Вал вордӥсьёс уксё поттон амал уг шедьто ни. Соин ик пудозылы маин сиён басьтыны ёрмо. Нош валэз нуналаз 6 пол сюдоно. Соку гинэ со таза луэ. Табере сиёнзэс шуак кулэстоно луизы. Урод сюдэм вал ӵошатсконъёсы пыриськыны уг быгаты ни. Эшшо ке аренда понна уксё тыроно. Таӵе югдурен валче куд-огез пудозэс вузаны кутскемын. Карантин бырем бере но угось адямиос ипподроме но, клубъёсы но бызьыса ик уз мынэ. Озьыен, казназы ӝог уз тырмы ай.

Ижысь «Триада» клубын ужасьёс пусъемъя, экскурсие доразы вуылӥсьёс трос вал.

Трос калыклы дышем валъёсмы мӧзмо, шуо ужасьёс.

Правительстволэн Тӧроезлэн воштӥсез, гурт удысъя но сиён-юонъя министр Ольга Абрамова пусъемъя, вал вордӥсьёслы юрттэмын луоз. Пудоослы сиён тырмытыны тыршозы. Клубъёслэсь сюлмаськонзэс тодыса, гурт хозяйствоос но ужбергатӥсьёс, нимаз адямиос рулонъёсын турын но куро вуттыны кутскизы.

Елена Сараматова

Удмурт Дунне
By Удмурт Дунне 30 апреля, 2020 16:00
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<