Удмуртиысь 38 сюрс 500 пиналъёслы люкылӥзы сиён-юонэн юрттэт

Удмурт Дунне
By Удмурт Дунне 20 апреля, 2020 15:58
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Таӵе наборъёс висъязы трос нылпиё семьяосысь школьникъёслы но ёрмыса улӥсь семьяосысь (адямилы быдэ доходзы 3 сюрс 300 манетлэсь ичи ке) пиналъёслы. Угось та дырозь соосты школаын нуналаз огпол пӧсь сиёнэн сюдылӥзы. Самоизоляциен валче чакламын вал сухой паёк сётъяны.

Дэри ёросын юрттэт шӧдскымон вуиз.

Ижысь наборлэн дуныз 600 манетозь уггес кыскы кадь.
Туспуктэмъёс: «Минздрав УР» огинлэн «ВКонтакте» бамысьтыз

Кенешемын вал 10 нуналлы набор люкылыны —котькудӥзлэн дуныз 600 манет. Соосты бичаны оскемын вал ёросъёсысь дышетонъя управлениослы. Нош таосыз вазиськизы сыӵе предприятиосы, кин школае нылпиослы сиён басьтэ. Озьы кӧня ке ки пыр потыса, пӧртэм интыосын пӧртэм пуйыос люкаськизы.

Социальной сетьёс пыр анай-атайёс ӵошатӥзы, кинлы кыӵе набор вуиз. Глазов, Ижевск, Можга городъёсын тужгес дуно сиён-юон. Кылсярысь, Ижысь пуйые понӥллям быдэн 900 грамм сьӧдчабей но рис кеньыръёс, 1 кило макарон, 1 кило сакыр песок, 900 грамм кӧсвӧй, 1 банка сгущённой йӧл, 1 литр сок но 200 грамм вафли-печення. Трос нылпиё анайёс лавкае котькуд нунал ветло, соин тодытэк уг уло, кӧня но мар сылэ. Соин паймизы: наборлэн дуныз ог 400-450 манет. Кытысь сыӵе дун потэ? Угось Ижын 1 кило гречкаез 104 манетлы дунъяллям (магазинын 40 манет), сакыр песокез — 46 манетэн (супермаркетын 30 манетэн).

Дунъёс пумысен Можгалась «Школьное питание» МУП-лэн кивалтӥсез Ильдар Ахметшин мумы-бубыослы таӵе валэктон сётӥз:

— Милемыз Можгалась школьникъёслы набор дасяны куризы. Дыр ӧжыт вал. Соин, кылсярысь, сгущённой йӧл ӧз вуы. Ми 9 нуналлы набор люкамы. Солэн дуныз 540 манет.

Нош анай-атайёс чаклазы: Можга пиналъёслы вуттэм сиён басьтэмын Набережные Челныысь «Колос» базаысь. Розница дунъёсъя та набор 398 манет сылэ. Ильдар Ахметшин нош ик валэктон шедьтэ:

— МУП — благотворитель­ностен вырись огазеяськон ӧвӧл. 15 мурт та наборъёсты
тыриз 2 сутка ӵоже. Вань на вытъ­ёс, логистика, тани НДС гинэ 10 процент ватсаське.

Вылаз ик, ӵапак Можгалан
люкылэм макаронъёсысь нумыръёс синйылтэмын на. Озьыен, шумпоттӥсез ичи. Удмуртиысь Прокуратуралэн пресс-службаез ивортэмъя,
17-тӥ апрелёзь Можгалан радъямын эскерон. Учко сиён-юонэн юрттэтлэсь ӟечлыксэ но, чотало дунзэ но.

Со дыре ик унояз ёросъёсын трос нылпиё семьяосты туж шумпоттӥзы. Кылсярысь, ӟеч но трос сиён-юон висъямын вал Сюмси, Камбарка, Шаркан, Воткинск районъёсын. Дэри ёросысь Пироггуртысь Екатерина Карманова ушъяське:

— Милям ваньмыз туж усто. 1 пиналлы сётӥзы 1 пачка нӧкы вӧй, 1 кило рис, 1 кило тари, быдэн 1 кило пызь но сакыр песок, 1 пачка печення,
2 литр сок, 1 литр кӧсвӧй, 1 банка сгущённой йӧл но 3 апельсин. Нылпиосы но лӧптӥзы, ачим но туж шумпотӥ.

Удмуртилэн Тӧроезлы таӵе «ачимъяськонъёс» ӧз кельше. Таяз арня кутсконын министръёсын кенешон дыръя Александр Бречалов шуиз:

— Асьмеос кутскиськомы туж бадӟым проект борды — ёрмись семьяослы сиён-юонэн юрттыны. Нош солэсь азьло курисько Прокуратураез рос-прос эскерыны дунъёсты. Малы 600 манет тыр чаклам наборъёс 450 манет тыр сяна уг люкасько? Кыл кутытон туж чурыт луоз.

20-тӥ апрель бере сиён-юонэн юрттэт басьтозы Региональной закупкаосъя центр пыр. Таӵе наборлэн дуныз 840 манет луоз, со чакламын ни Удмуртиысь
100 сюрс пиналъёслы.

________

Елена Скворцова

Удмурт Дунне
By Удмурт Дунне 20 апреля, 2020 15:58 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<