Удмуртиын кудӟытӥсь суретъёсын вуз карон лавкаосты эскеронъёс ортчо

Ангелина Снигирева
By Ангелина Снигирева 8 апреля, 2020 17:26
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Удмуртиын кудӟытӥсь суретъёсын вуз карон лавкаосты эскеро
Фото: izh.ru

Ижкарын 27-тӥ мартысен 5-тӥ апрелёзь 45 рейдъёс ортчытэмын, эскеремын 156 предприятиос. 45-ез куронъёсты тӥяса ужало вылэм, соос вань сямен кудӟытӥсь суретъёсын вуз карись лавкаос. Огъя учыръёсы сыӵе заведениослэн курыт юонъёсын вузаськыны лэзись документъёссы ӧвӧл. Соосты калыкын «наливайкаос» нимало.

Удмуртиын 4 сюрс предприятиослэн но ужбергатӥсьёслэн аракыен но сурен вузаськыны лицензиоссы вань, 506 общепитъёс ужало. «Наливайкаос» — асьсэдыз документ вылын сиё-юон поттӥсь но вуз карись компаниос шуыса нимало, нош зэмзэ ке — эскерымтэ кудӟытӥсь юонъёсын уй-нунал ӵоже вуз каро. Самоизоляция режим вакытэ сыӵе предприятиос, сур сяна, спичка, майтал, салфеткаосын вузаськыны кутскизы, соин валче асьсэдыз калыклы кулэ луись арбериосын вуз карись предприятиос пӧлы пыртӥзы.

С. Смирнов

Удмурт Тӧролэн но Правительстволэн администрациенызы кивалтӥсь Сергей Смирнов:

— Ужбергатӥсьёс кылдэм югдурын пӧртэм сямен асьсэдыз возё: кин ке самоизоляция режимез чакла, кин ке пуктэм куронъёсты кылэм но уг кары. Депутатъёс но Удмуртилэн Тӧроез секыт югдуре сюрем семьяослы юрттӥсь «ПоддЕРжка» акция мытӥзы, куд-ог ужбергатӥсьёс асьсэлэсь продукцизэс дунтэк волонтёръёслы сёто, мукетъёсыз маскаос поттыны кутско. Сыӵе адямиосты зэмос ужбергатӥсьёс шуыны луоз, бадӟым тау соослы. Но вань мукетъёсыз но, кин та вакытэ узырмон сярысь гинэ малпаське, кылсярысь «наливайкаос».

Туннэ нуналлы 7 компаниос вылэ быдэн 1 но ӝыны миллион тыр штрафъёс тупатэмын, 239-сэ административной кыл кутон улэ кыскемын.

Сергей Захаров

Ангелина Снигирева
By Ангелина Снигирева 8 апреля, 2020 17:26
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<