Маска вуро дышетӥсьёс

Ангелина Снигирева
By Ангелина Снигирева 9 апреля, 2020 16:05

Можга городысь 7 номеро коррекционной школаысь 20 пала дышетӥсьёс кутскизы маска вурыны.

Можгаысь 7 номеро школаысь дышетӥсьёс вуро маскаос
Туспуктэм: «Можга сегодня» огинысь

Акциез радъяз школалэн директорезлэн воштӥсез Ольга Яппарова.

— Дышетӥсьёсын нырысь асьмелы маскаос вурим, — вера Ольга Михайловна. — Собере милям возьматэммы потӥз: мар ке но ӟечсэ лэсьтыны быгатӥськом. Жингыртӥ ёрос администрациысь дышетонъя управление, отын ӵектӥзы дежурной нылпи садъёсысь ужасьёслы маскаос вурыны. Озьы ваньмы, 20 кузя дышетӥсьёс но директормы Галина Соковикова, вуриськон машинаос сьӧры пуксим. Асьмеос басма, резинкаос басьтӥм. Нырысетӥосыз 60 маскаосмы вуизы нылпи садъёсы. Тае тодыса, мукет адямиос но юалляськыны кутскизы.

Шумпотымон, можга калык маска курыса гинэ уг жингырты, юрттэт ӵектыса но. Вуриськон машинаос сьӧры пуксизы нылпиосмылэн анайёссы, мукет адямиос, тросэз ваё басма юдэсъёссэс, сӥньыс, резинка. Огез воргорон кузь-кузь горд басма кузьмаз. Табере дышетӥсьёсын радъям уж быдэс «цехлы» пӧрмиз ни, шуыны луоз: кин ке басма юдэсъёсты вандылыса дася, утюга, мукетъёсыз вуро, куинетӥосыз калыклы вутто — ваньзэ дунтэк.

Нырысь дышетӥсьёс огшоры гинэ маскаос вуро вал ке, табере пӧртэм сямен чеберъяса, чибориё, яркыт пӧрмытыны тыршо ни. Вуриськон машина сьӧры пуксё ваньмон дыръязы гинэ. Али школае уг ветло ке но, нылпиосын кусып возё, гуртэ уж сётъяло, лэсьтэм ужзэс эскеро Интернет пыр.

Дышетӥсьёс 500 маска люкылӥзы ни. Сюлмаськизы школаысьтызы 128 нылпиос сярысь но: котькудӥзлэн сухпаёказ маска понэмын.

Ангелина Снигирёва

Ангелина Снигирева
By Ангелина Снигирева 9 апреля, 2020 16:05
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<