Маин карантин висъяське самоизоляцилэсь?

Ангелина Снигирева
By Ангелина Снигирева 6 апреля, 2020 16:58
Урамъёсын одӥг-ог ветлӥсьёс гинэ
Туспуктэм: udmurt.ru

Маин карантин висъяське самоизоляцилэсь? Малы вирусэз вормыны луэ астэ чакласа гинэ? Та но мукет юанъёслы валэктӥз Кун Думаысь тазалыкез утёнъя комитетлэн ёзчиез, Татарстанысь сӥё-дано врач Борис Менделевич.

Самоизоляция дыръя уно адями дораз пуке, ог-огенызы шергес пумиськылон понна. Карантинын куронъёс чурытэсьгес, сое чакланы куремын висисьёслы но висёнэз шараян понна тестъёс пыр ортчисьёслы. Россиын 18-тӥ мартэ карантин ялэмын кунгож сьӧрысь вуэмъёслы гинэ.

Та вакытэ Россиын висисьёс сокем трос ӧвӧл бере калыклы, чурыт куронъёс пуктытэк, дораз пукыны куремын, — шуэ Б. Менделевич. — Висёнэз вормыны ӝог вормыны уг пӧрмы, но дорын пукыса, вирус калык пӧлын ӧжытгес вӧлмоз. Озьы тазалыкез утён удыслы висёнэн нюръяськыны капчигес луоз. Нош огвакытэ трос висисьёс луизы ке, эмчиос но уз окме, ваньмызлы дырыз дыръя юрттыны но уз пӧрмы. Котькуд адями валаны кулэ, дорысьтыз мугъёстэк потаса, аслаз но мукет адямилэн тазалыкезлы кышкытлык кылдытэ. Висисьёс трос луизы ке, Россиын карантин ялыны кулэ луоз.

Озьы ке но, адями корказ ворсаськыса улыны уг быгаты – кинлы ке лавкае, аптекае потоно, мукетызлы уж дуре мыноно. Та учыръёсы Б. Менделевич дэмла ураме маскаен но перчаткиосын потаны. Мукет адямиен вис 1,5 метр ке но луыны кулэ. Киосты майталэн ӵемгес миськоно но нимысьтыз суретъёсын пазяно.

Шутэтскон нуналъёсты апрель толэзь пумозь кузёмытонлы дур басьтэ Кун Кенешысь депутат, тазалыкез утёнъя, семья ужпумъёсъя но демографияя ялан ужась комиссилэн кивалтӥсез Надежда Михайлова но.

— Мон курисько вань калыкез самоизоляциын пукыны, вунэтыны уг яра чылкытлык сярысь, киосты миськоно, нимысьтыз суретъёсын пазяно. Удмуртиын висён зол вӧлмемын ӧвӧл, но таин валче гань-гань кариськоно ӧвӧл. Азьланяз но вирус медаз алекъяськы шуыса, асьмеос вань пуктэм куронъёсты чакланы кулэ. — шуэ депутат.

Сергей Захаров

Ангелина Снигирева
By Ангелина Снигирева 6 апреля, 2020 16:58
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<