Кылэз волятэ книга

Ангелина Снигирева
By Ангелина Снигирева 6 апреля, 2020 14:04

2-тӥ апреле дуннеын пусъё Нылпи книгалэсь нуналзэ. Сое «Удмуртия» издательствоын выль удмурт книгаосын пумитаны дасясько.

Ижысь К. Герд нимо нылпи садын удмурт книгаос лыдӟыны ярато
Туспуктӥз Елена Миннигараева

Нылпиосты пичиысен ик ӟеч книгалы дышетоно. Тодон-валанэз будэтэм сяна, книга кылэз волятэ, малпаськыны дышетэ. Удмурт покчиос понна нырысетӥ книгаос 19-тӥ дауре печатласькизы. Кылсярысь, 1847-тӥ арын Казаньын потӥз вотской нылпиосты дышетонъя азбука. 20 ар ортчыса, Вяткаын печатласькиз «Лыдӟонъ. Азбука для вотскихъ детей» книга. Нош 1906-тӥ арын Иван Михеев «Сочинение по картинкам» дышетскон пособие поттэ. Та книга ӟуч но, удмурт но кылъёсын потэ, революциозь 17 пол печатлаське.

Нылпиослы удмурт книгаос туж тросэн потылӥзы, школаосы, библиотекаосы кошкылӥзы совето вакытъёсы. Нош выльдӥськон кутскем бере удмурт книгаос сярысь туж ик малпаськись ӧй вал ни. Кун кылъёс сярысь законэз улонэ пыӵатонъя программаез кутэм бере гинэ югдур воштӥськиз. «Удмуртия» издательствоын нылпиослы но, бадӟымъёслы но удмурт книгаос выльысь потыны кутскизы, со сяна, пичиосты шумпоттӥзы нырысетӥ удмурт ӝӧк выл шудонъёс. Но программа ужзэ йылпумъяз. «Удмуртия» издательстволэн кивалтӥсез Юрий Кузнецов верамъя, али коньдон ласянь секыт луиз. Нялтас вераса, нылпиослы книга дунтэм уг усьы, угось со турлы буёло, яркыт, бадӟым шрифтэн луыны кулэ.

Озьы ке но шумпотон ивор но вань. Туэ ар пумозь дуннеез адӟыны кулэ удмурт нылпи литературая антология. Нош ӵапак Нылпи книгалэн нуналыз азьын Александр Лаптевлэн нылпиослы веросъёсын «Гизьыриё улмо но велик» книгаез потӥз ни. Ӝоген печатласькоз Александр Белоноговлэн нылпиослы кылбуръёсын 
книгаез. Туннэ-ӵуказе лыдӟись доры вуозы Римма Николаевалэн «Сӥзён кыл» но Ульфат Бадретдиновлэн «Айгуль — толэзь сяська» книгаоссы, удмурт калык выжыкылъёсын «Лӧпшо Педунь, Алдар Иван но мукетъёсыз» книгаос.

Зэм, туала вакытэ анай-атайёслы капчигес пиналзэс телевизор азе пуктыны, киязы гаджет донгыны. Кемалась-а пиналэныды, лач-лач пуксьыса, книга лыдӟиды ни? Удмурт книга басьтыны луоз, «Удмуртия» издательствое вазиськыса.

Елена Миннигараева

Ангелина Снигирева
By Ангелина Снигирева 6 апреля, 2020 14:04
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<