Кызьы малпаськом, озьы кылӥськом

Ангелина Снигирева
By Ангелина Снигирева 9 апреля, 2020 16:23

Удмуртилэн Тӧроез Александр Бречалов кылем арня пумын самоизоляциез радъянэ воштонъёс сярысь вераз. Кылсярысь, ульчае нуныосты коляскаен поттыса, улон юрт котырын гинэ калгыны яра, шуиз. Нош асьме калык кызьы аслыз кулэ, озьы ик лэсьтэ.

Пиналъёслы доразы пукыны секыт
Тупсуткӥз Максим Егоров

Кылем субботае Ижын калык чипыен-куреген сямен шунды улэ потӥз. Анайёс сьӧразы самокатъёсын пиналъёссэс ӧтизы, картъёссы бордазы кунулскизы. Калык нуназе ик супермаркетъёсы, лавкаосы шонтӥз. Арня ӵоже дорын пукыса, ваньзылэн чиданзы бырем кожалод.

Супермаркетъёсысь кассаос азьын разметка лякылэмын — басьяськисьёс 1,5-2 метр вис возё. Нош пичи лавкаосын калык черодъёсын сылэ, ог-огзы борды лякиськыны дасесь. Ярам ай, маскаосын коть луысалзы ке. Ог 30 процентэзлэн гинэ ымзы-нырзы ватэмын.

Режимез тӥясьёсты чакланы потӥзы полициын ужасьёс. Озьы суббота-арнянунал ӵоже 249 кылзӥськисьтэмъёс пусъемын, калыко интыосын ветло шуыса. Таӵе «йыртэмъёслы» пумит КоАП-ысь 20.6.1 статьяя протоколъёс гожтэмын. Удмуртиысь МВД пусъе: нимаз адямиослы 1 сюрс манетысен 30 сюрс манетозь тыриськон сётыны луэ. Ужбергатонэн вырисьёслы — 30 сюрс манетысен 50 сюрс манетозь. Предприятиослэн кивалтӥсьёссылы 100-300 сюрс манет.

Мукетъёсыз самоизоляциез шутэтсконэн сурало. Ижысь Медведево микрорайонысь 35 аресъем воргорон субботае ӵукна ик дораз аракы ӟамыртӥз но руль сьӧры пуксиз. Кыдёке кошкыса ӧз вутты — паськыт сюрес вылын ЛИАЗ автобусэн мырӟиськиз. Ярам, автобусын мынӥсьёс но, водителез но, кудӟем мурт но вӧсь ӧз луэ. Транспорт гинэ зол нелькиськиз. Табере удалтымтэ водитель правозэ но ыштӥз, юыса ворттылэмез понна но, самоизоляциез чакламтэез понна но штраф тыроно луоз.

Шӧкыч уром

Ангелина Снигирева
By Ангелина Снигирева 9 апреля, 2020 16:23
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<