Коронавирусэн нюръяськон вакытлы коммунальной услугаос понна тыриськонъёсы кӧня ке воштӥськонъёс пыртыны ӵектэмын

Ангелина Снигирева
By Ангелина Снигирева 6 апреля, 2020 16:36
Туспуктэм басьтэмын bloknot24.ru сайтысь

Коронавирус вӧлмемен валче коммунальной услугаос понна тыриськонъёсы кӧня ке воштӥськонъёс пыртыны ӵектӥзы «Огъя Россия» партиысь депутатъёс но Россиысь лэсьтӥськонъя но ЖКХ-ъя министерство.

Та вакытэ уноез калык ужаны уг ветлы – дораз пуке, соин валче семьяослэн доходъёссы но кулэсмылӥзы, нош газ, тыл, ву понна тыриськонъёссы тросгес луизы.

Дорын кема пукон семьялэн кисыезлы сокем секыт медаз луыса шуыса, куд-ог воштӥськонъёс дэмламын.

Кылсярысь, управляющей компаниослы но жуг-жагез поттонэн вырись предприятиослы куремын: дырыз дыръя яке быдэсак тырымтэ счётъёс понна ватсаса пени лыдъяны кулэ ӧвӧл. Семьялы услугаос сётэмысь дугдыны уг яра, тыл, газ, ву понна тыриськонъёссы трос люкаськемын ке но. Висёнэн нюръяськон вакытлы счётчикъёсты эскерон ужрадъёсты дугдытоно.

Вазь-а, бер-а, но коммунальной услугаос понна тыроно луоз. Соин кинлэн али луонлыкез вань, та ужез берлолы кельтыны кулэ ӧвӧл, — шуэ ЖКХ услугаос басьтӥсьёслэн «Объединение советов домов» огазеяськонзылэн кивалтӥсез Александр Евсеев. — Уката ик али луонлыкъёс вань, дорысь потатэк но, вань тыриськонъёсты Интернет пыр ворсаны. Нош тыриськонъёс ласянь кыӵе ке юанъёс кылдо ке вазиськыны луэ ЖКХ удысъя «пӧсь» телефонэ – 8 (3412) 56-36-09.

Ангелина Снигирева
By Ангелина Снигирева 6 апреля, 2020 16:36
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<