Кин ужа?

Удмурт Дунне
By Удмурт Дунне 3 апреля, 2020 13:20

Карантин улэ сюризы кафеос, баръёс, калыкез сюдонэн вырись мукет предприятиос-огазеяськонъёс, вуз карон центръёс… Ужало сиён-юонэн, котькуд нунал кулэ луись арбериосын вуз карись лавкаос гинэ.

Кызьы та курон быдэсъяське — юн чакласа возё Роспотребнадзор, югдурез утисьёс. Рейдъёс нунал пӧрат сямен радъяськыло. Карантинлэн нырысетӥ нуналъёсаз та куронъёсты чакласьтэмъёс тросгес вал, куд-огезлы штрафъёс но тупатэмын ни. Кылсярысь, карантин сярысь куронэз соку ик пелязы ӧз понэ кафеос но баръёс. Соос пӧлын — Ижысь «МЕГА» но «Бочка» заведениос.

Арня кутсконын ай калык Иж город администрацие паймыса вазиськылӥз: малы куд-ог вуз карон центръёс татчыозь ӧз пытсаське? Ижысь Устинов ёросысь таӵе вуз карон центръёс пӧлы шедизы «Гранат», «Азбука ремонта», «Зебра», «Италмас», «Столица». Журналистъёсын ӵош со интыостӥ ӝегатскытэк ортчизы Ижысь муниципальной милицилэн кивалтӥсез Дмитрий Шуклин но Устинов ёрослэн йырыз Владимир Петухов. Шараяськиз: 30-тӥ мартэ нуназе бере 3-яз вуз карон центръёсын ӧсъёс пытсамын вал ни. Пырыны луиз на «Гранатэ» но «Италмасэ» гинэ, но отын ужало сиён-юонэн, котьку кулэ луись арбериосын вуз карисьёс гинэ.

— Вуз карисьёс пӧлын карантинэн герӟаськем куронъёсты тӥян учыръёс шараясько ке, полиция дася материалъёс но келя Роспотребнадзоре, — шуиз Ижысь муниципальной милицилэн кивалтӥсез Д. Шуклин. — КоАП-ысь 6.3 статьяя чакламын штрафъёс, кылсярысь, предприятилэн кивалтӥсез 10 сюрс манетысен 20 сюрс манетозь тырыны быгатоз, озьы ик 90 суткалы ужзэ дугдытоно луоз.

Элина Кумачёва

Удмурт Дунне
By Удмурт Дунне 3 апреля, 2020 13:20
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<