Кеньырлэсь дуно ивор!

Удмурт Дунне
By Удмурт Дунне 2 апреля, 2020 12:21
Зинаида Рябинина, валтӥсь редактор

Арня талэсь азьло Президент ялӥз ог арнязэ дорын ужан сярысь. 
Бюджет чотын ужасьёс «шутэтскон нуналъёслы» шумпотӥзы, ужбергатӥсьёс йыр бордазы кутскизы — соосты та югдур зэм но секыт шукке.

Валамон, ужлэсь ӧз мозмытэ эмчиосты, сиён-юонэн вуз карисьёсты, транспортын ужасьёсты но эшшо кӧня ке удысын тыршисьёсты. Соос пӧлы сюриськом ми но — иворчиос! 
Газет пыре тужгес кулэ луись вузъёсын списоке! Зэмзэ но, кызьы али иворъёстэк? Огласянь, кун тынэсьтыд уждэ сокем кулэен лыдъя ке, со туж умой. Мукет ласянь, ми но улэпесь ук, калыкен одӥг урамъёстӥ ветлӥськом. Но ми ум пӧсекъяське, ужмес азьло сямен ик быдэсъяськом.

Жаляса верано, калык ӵемгес оске фейкъёслы 
(пӧечи иворъёслы), куд-огез соосты ачиз вӧлмытэ но, киоссэ 
посыса, лайкъёссэ лыдъяса пуке. Сыӵеослы ивортӥськом: пӧечи иворъёсты вӧлмытэм понна РФ-лэн КоАП-ысьтыз 13.15 статьяысьтыз 
9-11 пунктъя кыл кутон улэ кыскыны луэ.

Таяз арняе Кун Дума самоизоляциез чакласьтэм адямиос 
понна штрафъёс юнматӥз. Луонлык сётӥзы ке, пуке вал гань-гань дорады, книга лыдӟыса, нылпиосыныды шудыса, киужен вырыса, вылаз ик — уксё басьтыса! 

Мукет ужпум — гуртын. Режим вӧлме быдэс элькунэ, но валаськом ук, гуртын азбарысьтыд потатэк нокызьы уз пӧрмы. Сыӵе дыръя нош ик калыклэн асваланэзлы гинэ оскыны кыле на, карантин ӵоже городысь нылпиос уз бертылэ шуыса. Ӵыжы-выжыостэс эскеремды потэ — жингыртэ, телефон пыр чер уг паласькы на кадь.

Зинаида Рябинина

Удмурт Дунне
By Удмурт Дунне 2 апреля, 2020 12:21
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<