Доразы пукыны чидасьтэмъёслы шаерамы выль штрафъёс юнматэмын

Удмурт Дунне
By Удмурт Дунне 16 апреля, 2020 15:15
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Самоизоляция режимез тӥясьёслы 500 манетысен 2 сюрс манетозь тыриськонъёс тупатоно.
Туспуктӥз Максим Егоров

Та ужпумез эскеризы Кун Кенешысь депутатъёс туннэ, 16-тӥ апреле, ортчем сессиязы.

Россиысь КоАП-я штрафъёс 15 сюрс манетысен 40 сюрс манетозь. Но законъя, улосъёс асьсэос соослэсь быдӟалазэс чакланы быгато. Озьы асьме парламентарийёс огкылысь соглаш кариськизы: самоизоляция режимез тӥясьёслы 500 манетысен 2 сюрс манетозь тыриськонъёс тупатоно. Палэнысь шаерамы вуэмъёс карантинэз чакласьтэмъёслы — 3 сюрс манет. Ар куспын кыкетӥ ползэ сюризы ни ке — 5 сюрс.

Тодады вайытом: шаерамы коронавируслэн четлыказ 58 мурт сюремын ни. Со пӧлысь 4-ез бурмиз, 2-езлэсь улонзэ утьыны ӧз луы.

Элина Кумачёва

Удмурт Дунне
By Удмурт Дунне 16 апреля, 2020 15:15