Герман но Ерофей уг эшъясько. Кыӵе кияр сортъёс асьме палан ӟеч урожаен шумпоттозы?

Удмурт Дунне
By Удмурт Дунне 27 апреля, 2020 15:45
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Огреч кидыс бырйыку, одно лыдэ басьтоно солэсь аспӧртэмлыкъёссэ: одӥгъёсыз чакламын теплицаын будэтыны, мукетъёсыз кырын умойгес чеберскозы. Одӥгъёсызлэн висёнъ_ёсын нюръяськон кужымзы юнгес, мукетъёссэ нуналысь нуналэ учконо.

Огреч удъёс убое курисько ни.
Туспуктӥз Элина Кумачёва

Теплицаын ӟеч емыш сёто

Теплицаын инты ӟоскыт, соин ик отын пӧртэм висёнъёс ӝоггес аляло, ӧжытгес лобало мушъёс но мукет нымы-кибыос. Соин ик ӟеч урожай басьтон понна теплицаез дырын-дырын усьяно, нош кияръёс ас понназы мед быгыльскозы шуыса, партенокарпической, самоопыляемой сортъёсты быръёно.

Кураж. Тросэз сад-бакча возисьёс та сортэз арысь аре будэто. Угось со туж ӟеч кияр сётэ — 1 квадрат метрысь шорлыдын 18 килограмм люкаське.

Удэз кузяна но, пасьтана но кыстӥське. Емышъёсыз одӥг интыысь кӧняен ке пото. Соос ог 14 сантиметр кузьда, 120 граммозь будо. Кисьма, кизем бере 40 нунал ортчыса.

Ӟеч урожай басьтон понна сад-бакча возисьлэн пичи ке но опытэз луыны кулэ, угось удзэ валаса ӵышкылоно, выль потӥсь вайёссэ утялтылоно.

Веер. Емыш сётыны кутске 38-40 нуналскын. Удэз кузь, со понна пасьтана уг кошкы, соин ик утялтонэз секыт ӧвӧл. Одӥг интыысь 3-4 огреч будэ. Секталазы 80-100 грамм, кузьдалазы 8-10 сантиметр пала луэ. Вожен сиыны сяна, туж умой сылалтыны но.

Авоська. Таизлэн но сортлэн вань емышъёсыз мушъёс­тэк быгыльско, одӥг интыысь 2-3 кияр потэ, котькудӥз 120-150 грамм луэ. Удэз туж ик пасьтана уг кошкы ке но, дырын-дырын ӵышкылоно луоз ик. Шӧмыз туж ческыт, тупа сылалтыны.

Герман. Кельше бадӟым опытэн но, али кутскись сад-бакча возисьёслы но. Нырысетӥ емышъёсыныз шумпоттэ ни 36-тӥ нуналысеныз ик. Огречтэк уз кельты гужем туж пӧсь луыку но, салкым возиськыку но. Одӥг интыысь 6-7 огречез потэ, 9-11 сантиметр кузьда луо. Сорт висёнъёслы уг сётскы. Сылалтыны туж умой.

Подмосковные вечера. Емыштэк уз кельты, туж ӵем мерттыку но, саюлэ кыльыкуз но. Уг сётӥськы висёнъёслы. Удэз кузь луэ, но пасьтана
уг кошкы. Нырысетӥ огречсэ
сиыны луэ ини, мерттэм бере 42 нунал ортчыса. Одӥг интыысь 2-3 киярез кисьма,
80-110 грамм будо. Сылалтыны умой.

Зозуля. Сорт тодмо луиз 1977-тӥ арын, но со туннэ
нуналозь шумпоттэ сад-бакча возисьёсты. Удэз но чебер будэ, кияръёсыз но вольытэсь, ческытэсь: ог 25 сантиметр, ог 200 грамм. Емыш сётыны кутске 40-45 нуналскын. Котькыӵе куазь мед луоз, мушъёс ӧвӧл ке но, урожайтэк уз кельты. Висёнъёслы уг сётскы. Теплицаын но, убо вылын но будэтыны тупа.

Провансаль столичный. Огречъёсыз сиыны вуо 50-55 нуналскын. Одӥг интыысь 2-3-ез кисьма, котькудӥзлэн секталаез 220-240 грамм пала луэ. Удэз ялан будэ, но укыр пасьтана уг кошкы, соин ик утялтонэз секыт ӧвӧл. Со сяна, висёнъёслы уг сётскы. Сылалтыны уз яра.

Китайские змеи. Емышез быгыльске ог 50 нуналскын. Удэз кузь но,
пасьтана но кошке. Кияръёсыз
60 сантиметрозь будо. Но
векчиесь, ӧжытак конгырскемынэсь луо. Чакламын салатъёсын сиыны, но сад-бакча возисьёс верало ни: сылалтыса но туж ческыт луэ.

Ӟеч урожаенызы паймытъяло 30-60 сантиметр кузьда будӥсь кияръёс. Тросэз сад-бакча возисьёс уката синмаськемын Китайын кылдытэм сортъёслы. Соосты «китайской» ик нимало, сортъёссэс йыре кельтыны капчи ӧвӧл уга: Лно-Мин, Синтяй, Лифент Сенюс но мукет. Но вань асьме селекционеръёсын поттэм кузь будӥсь сортъёс но: Удав, Зозуля, Белый деликатес, Провансаль столичный но
мукет. Соос туж ческыт салатын, но сылалтыны уггес тупало. Яке сылалтоно бичам нуналаз ик, угось туж чаляк шуяны
кутско.

Убо вылын будэтыны тупало

Убо вылэ артэ мерттоно ӧвӧл пчелоопыляемой но артенокарпической сортъёсты. Угось кыкетӥосыз ческытэсь уз луэ, кидыссэс кисьматыны кутскозы.

Апрельский F1. Емыш сётыны кутске, кизем бере 45-55 нунал ортчыса. Огречъёсыз 22-25 сантиметр кузьда, 200-250 грамм. Кузял уг луы. Чида салкым куазез.

Муравей F1. Туж вазь вуись сорт — 35-39 нунал куспын кисьма. Пасьтана туж ик уг кошкы. Висёнъёслы уг сётскы. Кияръёсыз ог 12 сантиметр кузьда луо.

Маша F1. Емыш сётыны кутске ни 35-39 нуналысен, огречтэк уг кельты сӥзьылозь ик. Уг сётскы висёнъёслы. Киярез туж ческыт, салатэн но сиыны, сылалтыны но яра, курыт уг луы.

Конкурент. Емыш сётыны кутскытозяз, ог 53 нунал ортче. Емышъёсыз 12 сантиметр, 120 грамм луо. Сорт уг сётскы висёнъёслы.

Ерофей. Огречез мед луоз шуыса, мушъёс кулэ луозы. Уг сётӥськы висёнъёслы. Огречъёсыз 6-7 сантиметр кузьда луо. Туж умой сылалтыны.

Родничок F1. Удъёсыз уг сётӥсько висёнъёслы, тӧлсяська медаз кыльы шуыса, тросгес мушъёс мед лобалозы. Огречъёсыз 12 сантиметрозь будо, 100 граммлэсь секыт
уг луо. Тупало сылалтыны.

Удмурт Дунне
By Удмурт Дунне 27 апреля, 2020 15:45
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<