Висён вылын шумпотон

Ангелина Снигирева
By Ангелина Снигирева 9 апреля, 2020 15:14

Оло, зэм но, токма ӧз поты та висён – со адямилэсь вань пуштросэ педпала поттӥз.

З. Рябинина

Жаляса верано, пӧлысьтымы тросэз вог луэммес возьматӥськомы. Куке Интернет пыр ӝожтӥськыны ӧдъяло доразы тэк пукемзы понна уждун басьтыса пукисьёс – вождэс эн вае, нокызьы валаны уг луы! Тӥ асьтэос уд малпаське-а мар-а, кема изьыса, сиськыса, кино учкыса жадемды сярысь ушъяськыкуды, кин ке азьло сямен ик ужа, ассэ амалтэк кышкытлык улэ донге шуыса. Косэмын бере, пуке, но эн ӟургетэ. Вылаз ик, магазинозь, аптекаозь тӧлатскыны потаны лэземын ук.

Вогъяськыны ӧдъязы школаын дунтэк сиськись пиналъёслэн анай-атаёссы но — дорын пукетӥськоды ке, нылпиосмес сюдэ, пе. Кивалтӥсьёс соосъя кариськизы но — доразы сиён нуллыны ӧдъязы. 2 арня талэсь азьло ваньмыз вожмаськыса гречка октӥзы ке, табере кеньыр-макарон уг яра ни – пӧсь сиён, пе, кулэ: сӥльын-чорыген… Вождэс эн вае, тӥ асьтэос мар карыса пукиськоды, ас пиналдылы сиён пӧзьтэмды но, соин та вакыт ке но уроксэ но дышетэмды уг поты ке. Интернатэ гинэ сётыны кыле на ук.

Мукетыз ужпум – нылпиослы сиён-юон набор бичасьёсын: куд-ог школаосын, ёросъёсын шараяськизы дунъёсты куасалтон учыръёс. Шаплы муртъёс со вылын уксё поттыны малпаллям. Дышетонъя но наукая министерствоын милемлы валэктӥзы: та ӟеч уж оскемын вал муниципалитетъёслы. Но сыӵе учыръёсын валче пиналъёслы сиён-юон висъянэз Тӧро дугдытоно луиз. Али эскеронъёс мыно. Вераськон мынэ азьланяз ваньмызлы одӥг дунын (60 манет тыр) огкадь сиён-юон висъян сярысь.

Мар меда эшшо уг тырмы на? Тани маскаос потӥзы, нош соин ветлӥсь ӧжыт. Дунтэк, пе, мед сётъялозы…

Зинаида Рябинина

Ангелина Снигирева
By Ангелина Снигирева 9 апреля, 2020 15:14
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<