«Бадӟым чылкытатӥськон» ужрад улсын кылдозы 400 пала ужан интыос

Удмурт Дунне
By Удмурт Дунне 14 апреля, 2020 15:51
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Коронавирус калыклы ульчаосын медаз кырмиськы шуыса, Ижын, Можгаын, Воткаын, Сарапулын но Глазовын суретъёсын кӧня ке пол пазямын 700-лэсь ятыр остановкаос. Чылкытатӥськон борды басьтӥськизы управляющей компаниос но. Правительстволэн Тӧроез Ярослав Семёнов ивортэмъя, Ижысь 43 огазеяськон дезинфекция ортчытӥз ни 2 сюрс 200 пала улон юртъёсын.

Ижысь 43 огазеяськон дезинфекция ортчытӥз ни 2 сюрс 200 пала улон юртъёсын.
Туспуктэм: udmurt.ru


Тӧро Александр Бречалов управляющей компаниослы нимысьтыз вазиськиз: суретъёсын пазян понна калыклэсь ватсаса уксё бичано ӧвӧл, юртэз тупатонлы бичам коньдонысь но кутыны уг яра. Со вие ик уноез компаниос Тӧролы вазиськизы, дезинфекциез ортчытонлы уксё висъяны курыса. А. Бречалов оскытӥз: та ужпум санэ басьтэмын, юрттэт луоз.


«Бадӟым чылкытатӥськон» ужрад улсын матысь дыре кылдозы 400 пала ужан интыос. Мылкыд карисьёс урамъёсты утялтозы, суретъёсын пазялозы калык люкаськылон интыосты. Та уж борды басьтӥськыны мылкыд карисьёс вазиськыны быгатозы калыкез уже интыянъя ёзъёсы. Но одно ик лыдэ басьтоно: чылкытатсконэ пыриськыны лэземын ӧвӧл 65 ареслэсь ортчем мӧйыослы, хронической висёнъёсын курадӟисьёслы но нуны витись нылкышноослы. Нош кин уж борды басьтӥськоз, соослэн черлэсь утись арбериоссы луыны кулэ.

Сергей Захаров

Удмурт Дунне
By Удмурт Дунне 14 апреля, 2020 15:51
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<