Эшшо ясли пуктоно на

Ангелина Снигирева
By Ангелина Снигирева 12 марта, 2020 14:48
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Кез каргуртын усьтӥськиз выль ясли-сад. Со чакламын 3 аресозь 80 пала тэшкылиослы.

Выль нылпи сад
Туспуктэм: udmurt.ru

Таиз нылпи сад вылтусызъя висъяське шаермылэн пӧртэм интыосаз пуктылэм типовой садъёслэсь. Со купечъёслэн корказы кадь: йыг-йыг, горд кирпичлэсь, чебермам липетэн. Ӝутэмын Нижний Новгородын дасям проектъя, типовоезлы мында ик коньдон кошкиз — 93 миллион манет. Калык пӧлын юалляськон ортчытыса угось, тодмо луиз: таиз кезъёслы золгес кельше, каргуртсылэсь туссэ аспӧртэм каре. Ясли-садлэн пушкыз но мукетгес: коридоръёсыз паськытэсь, висъетъёсыз вӧл-вӧл.

Яслиез пуктыны кутскизы вал кылем арын июле, нош туэ южтолэзе со кисьмаз ни. Ӝутэмын «Демография» нацпроект чотын. Сое усьтон ужрадын Кез ёрослэн йырыз Иван Богданов пусйиз:

— Каргуртамы кемалась ёрмиськомы вал ни яслиослы. Элькун Тӧро А. Бречалов сюлмаськемъя ми шедимы «Демография» нацпроектэ. Выль детсадлы табере шумпотэ вань калык. Анайёс уже потыны быгатозы, нылпиоссы со вакытэ выль юртын шудозы-будозы.

И. Крохина

Дышетонъя но наукая министрлэн воштӥсез Ирина Крохина:

— Шаерысьтымы 3 аресысен пиналъёслы тсадъёсын инты тырме. Нош 3 аресозь тэшкылиос пӧлысь — 79 процентэзлы гинэ. Соин валче туэ ӧсъёссэ вӧлъялоз на 6-ез ясли, вуоно арын — 14-ез.

Но выль яслие 80 нылпиез кутыса но, кезъёслэн йырвисёнзы уз быры на. Кез ёрос администрациысь дышетонъя ёзлэн кивалтӥсез Ольга Главатских пусъемъя, каргуртысь эшшо 85 тэшкыли яслие черодзэ вите на. Ёрослэн йырыз Иван Богданов буйгатӥз:

— Туэ ик пуктыны кутскомы выль ясли-сад. Вуоно арын со йылозяз-пумозяз вуттэмын луоз. Озьы каргуртамы яслие черод быроз. Нош огъя ёросмыя учконо ке, поселениосысьтымы нылпи садъёсын интыос тырмыт.

Елена Никитина

Ангелина Снигирева
By Ангелина Снигирева 12 марта, 2020 14:48
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<