Ужазинлыкез будэтэ… арберилэсь интызэ воштон

Ангелина Снигирева
By Ангелина Снигирева 24 марта, 2020 09:17

Кылем арын кунамы пыӵаны кутскиз «Ужазинлыкез ӝутон но ужтэк кылемъёслы юрттон» нацпроект.

Компетенциосъя федерал центрлэн кивалтӥсез Н. Соломон (паллянысез) тодматске
ИжГЭТ предприятилэн ужаменыз
Туспуктӥз Елена НИКИТИНА

Быдэсъяськоз со 2024-тӥ арозь — предприятиослэн ужазинлыксы арлы быдэ 5 процентлы йылыны кулэ.

Миым та нацпроектэ пыриськыны мылкыд кариз элькунысьтымы 30 предприятие, туэ — 40. Таос пӧлысь одӥгез — ИжГЭТ огазеяськон. Соин тодматскыны вуылӥз Компетенциосъя федерал центрлэн кивалтӥсез Николай Соломон. Ӵапак та центр кыл кутэ нацпроектэз улосъёсын пыӵатон понна. Куноез пумитаса, ИжГЭТ огазеяськонлэн кивалтӥсез Андрей Батов шуиз:

— Ми нырысь ик чакламы, нунал куспын мастеръёслы кӧня вамыш лэсьтоно луэ троллейбусэз тупатон понна. Нош цехмы пичи ик ӧвӧл. Паймим: одӥг троллейбусэз тупатытозяз, адями 7 иськемез ортче. Нацпроектэ пыриськыса, та лыдпусэз 4-ёзь кулэстӥмы, нош мастерлэн ужан ӝоглыкез 25 процентлы йылӥз. Угось цехъёсмылэсь ужзэс выль сямен радъямы. Табере троллейбусъёсты тупатӥськомы 30 нунал куспын, нош азьвыл 2 толэзь но уг тырмы вал.

«Ужазинлыкез ӝутон но ужтэк кылемъёслы юрттон» нацпроектэ пыриськись предприятиос кунлэсь басьтыны быгато 1 процентъем кредит. А. Батов пусйиз: электроэнергилэн дуныз ӝутске, нош общественной транспортэн ворттылон дунъёс ӧз вошъяське ни кӧня ке ар. Трамвайёс но троллейбусъёс вужмо, выльёссэ басьтыны луонлык ӧвӧл. Нацпроектэ пыриськыса, капчиятэм кредит чотын паркмес но выльдыны, оборудование но басьтыны быгатомы, шуиз кивалтӥсь. «Ужазинлыкез ӝутон но ужтэк кылемъёслы юрттон» нацпроектэз пыӵатыны Удмуртилы висъяськоз 43 миллион манет, со пӧлысь 28 миллионэз вуоз федерал бюджетысь.

Кивалтӥсьёс тодматско ужазинлыкез ӝутон амалъёсын
Туспуктӥз: udmurt.ru

Компетенциосъя федерал центрлэн кивалтӥсез Николай Соломон кенешиз предприятиын ужасьёсын.

— Учконо ке, производствояды номыр ӧз воштӥськы: азьвыл кадь ик оборудование, азьвыл мында ик ужасьёс. Но мастеръёслэсь ужан интыоссэс валаса радъян, цехлы кулэ луись арбериосты одӥг интые 
пуктылон туж юртто ужазинлыкез ӝутыны, 2-3 поллы тросгес продукция поттыны, — шуиз Н. Соломон.

Бӧрысь Н. Соломон пумиськылӥз Тӧроен Александр Бречаловен. Дэмен соос вуылӥзы «Фабрика процессов» центре. Таиз кылдытэмын нац­проектэз элькунамы пы­ӵатон понна. Отысь специалистъёс дунтэк дышето производствоез туала сямен радъяны, ужазинлыкез ӝутыны.

Ангелина Снигирева
By Ангелина Снигирева 24 марта, 2020 09:17
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<