Семьялы саклык йылэ

Ангелина Снигирева
By Ангелина Снигирева 24 марта, 2020 11:31

Кыӵе юрттэт сётӥськоз калыклы туэ? Та но мукетыз сярысь кенешизы Калыкез улон-вылонын утён политикая но ужъя министерстволэн ортчем коллегияз.

Сюмсиысь пиналъёс Иван Абашев ветеранзэс уг вунэто
Туспуктӥз Раиса Волкова

Вӧзамы улэ ветеран

Шаерамы уло Быдӟым ожысь 14 сюрс 44 ветеранъёс но сӧсыръёс. Вормонлы 75 ар тырмемен валче Быдӟым ожысь ветеранъёслы Пенсиосъя фонд тыроз быдэн 75 сюрс манет, ож мышкын ужамъёслы — 50 сюрс манет. Со сяна, туэ Удмуртия кунлык басьтэм дырысен 100 ар тырмонэн валче 100 арессэс тырмытӥсь ветеранъёслы сётӥськоз 10 сюрс манет. Калык огазеяськонъёс быгатозы «Вӧзамы улэ ветеран» конкурсэ пыриськыны, ветеранъёслэсь улонзэс капчиятон вылысь грант утыны но сое улонэ пыӵатыны.

Волонтёръёслэсь но калыкез утись но эмъясь ведомствоослэсь кусыпсэс юнматоно. «Улонлэн куронэз» («Норма жизни») федерал проект улсын калыклы юрттыны мылкыд карисьёс но учреждениос ӵош мед ужалозы шуыса, али план лэсьтӥське. Валче тросгес ужез быдэстыны луоз, шуэ калыкез улон-вылонын утён политикая но ужъя министр Татьяна Чуракова.

— Адямилэсь улонзэ ӟечомытон — валтӥсь интыын луыны кулэ. Оген кылем арлыдо адямиосты я сӧсыр муртъёсты утялтон шаерамы радъямын ни. Социальной службаысь специалистъёс соосты утялтыны, юртъер котырзэс чылкытатыны юртто. 9 интернатъёс вань. Табере семьяосын ужано. Кыӵе ке семья ас дораз кинэ ке улыны-утялтыны басьтыны быгатӥз ке, со бадӟым вормон луоз, — шуэ Татьяна Юрьевна.

Туннэ 65 арессэс ортчемъёс понна ужа мобильной бригада, отысь специалистъёс гуртоослэсь тазалыксэс эскеро. Со сяна, калыкез больницае нуллыны мед луоз шуыса, социальной юртъёс борды юнматэмын 26 нимысьтыз машина. Кылем арын ӝыны ар куспын озьы 4 сюрс 868 муртлэсь тазалыксэ эскеремын.

Елена Сараматова

Ангелина Снигирева
By Ангелина Снигирева 24 марта, 2020 11:31
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<