Нылпиослы выплата

Ангелина Снигирева
By Ангелина Снигирева 24 марта, 2020 13:11

Кылем арын шаерамы вордӥськиз 14 сюрс 602 пинал. 2018-тӥ арен ӵошатыса, со 1 сюрс 838 нылпилы ӧжытгес. Приволжск федерал округын трос нылпиос вордскемъя Удмурт шаер туннэ 2-тӥ интыын, азьпалан — Киров улос.

3-ысен 7 аресозь нылпиослы толэзьлы быдэ сётӥськоз ог 5 сюрс манет выплата
Туспуктӥз М. Егоров

— Шаерамы нылпиосын семьяослы юрттон вылысь юрттэт ялан йылэ. Кылсярысь, студент семьяослы висъяське 100 сюрс манет. Трос нылпиё семьяосысь пиналъёс 1-тӥ мартысен школаосын дунтэк сиськыны быгато. 2021-тӥ арысен 3-тӥ но со бӧрсьы вордскем нылпиос понна шаерысьтымы семьяослы огпол висъяськоз 240 сюрс манет – ипотекаез кысыны, корка пуктыны, — шуэ Татьяна Чуракова.

Правительстволэн Тӧроезлэн воштӥсез Анастасия Муталенко пусъемъя, 3-ысен 7 аресозь нылпиослы толэзьлы быдэ сётӥськоз ог 5 сюрс манет выплата. Сое басьтыны быгатозы сыӵе семьяос, кытын адямилы быдэ доход улыны тупатэм минимумлэсь уг ортчы. Али минимумлэн быдӟалаез 9 сюрс 992 манет. Сыӵе семьяос ог 23 сюрс. Кин ке ёрос администрациосы куриськон вае ни, но соосты берен келяло. Куриськонъёсты угось июльысен гинэ кутозы ай. Озьы выплаталы вазиськыны луоз МФЦ-е, кун услугаосъя портал пыр, ёрос администрациосысь калыкез утёнъя ёзъёсы. Куриськон сяна, анайлэсь я атайлэсь номыр кулэ ӧвӧл — мукет документъёсты бичалозы специалистъёс. Выплата сётӥськоз, туэ январьысен толэзьёсты лыдъяса-чотаса.

Юрттэтэн гинэ демографиез уд тупаты. Нылпиен пукись кышномуртъёс понна дышетон курсъёс радъясько. Кин ке выль удысын ассэ эскерыны малпа, кин ке тодон-валанзэ (квалификацизэ) будэтэ. Миым 200 нылкышноос бухгалтере, кладовщике, менеджере, сиён пӧрасе, вуриськисе, кадръёсын ужаны дышетскизы. Туэ 485 муртэ дышетыны чакламын.

Елена Сараматова

Ангелина Снигирева
By Ангелина Снигирева 24 марта, 2020 13:11
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<