Куанер улӥсьёс ӧжытгес луозы

Ангелина Снигирева
By Ангелина Снигирева 24 марта, 2020 14:45
Соцконтрактэн пудо басьтыны луэ

2024-тӥ арозь шаерысьтымы начар улӥсьёслэсь лыдзэс 2 поллы кулэстыны чакламын. Туннэ улыны тупатэм минимумлэсь пичи доходэн адямиос ог 180 сюрс кузя лыдъясько. Шаерысьтымы вань улӥсьёс пӧлысь со 12 процентэз луэ. Толэзьлы быдэ пособие басьтӥсь начар семьяос ог 38 сюрс лыдъясько.

Куанер семьяос ӝутӥськыны, ватсаса доход поттыны мед быгатозы шуыса, министерствоен социальной контракт гожтыны луэ. Кин ке пудо басьтэ, теплица пуктэ, дышетске… Социальной контрактъя котькудӥз быгатоз 10 сюрс манетысен 250 сюрс манетозь уксё басьтыны. Татьяна Чуракова пусъемъя, туэ 1 сюрс 800 семьяослы соцконтрактъя чакламын 247,9 миллион манет висъяны. Озьы кин ке аслэсьтыз ужзэ усьтыны быгатоз. Ортчем 5 ар ӵоже шаерысьтымы 778 муртлы 17,2 миллион манет тыр юрттэмын вал. Зэм, уксё кутыса но ганяк шокчыны уг луы – контрактъя гожтэм программаез быдэстоно, доходэз йылтыны тыршоно. Коньдон угось сётӥське адямилэсь улонзэ ӟечомытыны. Программа гожтыны шугъяськисьёслы юртто ёрос администрациысь калыкез утёнъя ёзъёсын.

Елена Сараматова

Ангелина Снигирева
By Ангелина Снигирева 24 марта, 2020 14:45
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<