Кин кышъяське уйин?

Ангелина Снигирева
By Ангелина Снигирева 3 марта, 2020 10:59

Кин кышъяське уйин?

Ижкарысь калык умме усьыны дасяськыку, сайкало сюрес тупатӥсьёс. Зор-котлэсь кышкатэк, соос гопъёсты кышъяло. Ремонтникъёс ужало уйин, нуназе ширъясь машинаослы уг люкето.

Уйин кышъяськон
Туспуктӥз Анастасия Шумилова

Туэ Ижысь асфальт поттӥсь «Удача» завод ужзэ вазьгес кутскиз — куазь уго шуныт возиське. 18-тӥ феврале заводын асфальт пӧзьтыны ӧдъ­язы ини. Час куспын татын ог 50 тонна литой асфальт дасяло. Заводлэн кивалтӥсезлэн воштӥсез Радик Каракозян верамъя, асфальтэз ГОСТ-лэн куронъёсызъя лэсьто, поттэмзы азьын суретэз лабораториын эскеро.

Уй куспын Ижкарын 100 квадрат метрлэсь уно сюресэз ӵошкытато. Гопе кись­тӥськись сурет пӧсь луыны кулэ — сое пӧзьтэм бере ик ремонтникъёс дӥне вутто. Дась асфальтэз кулэ интыозь нуытозязы, сое цистерна пушкын шунтыса возё. Гопе кисьтыкузы, асфальт 160 градус луэ. Кышъяно интыез нырысь ӵужо-сузяло, бӧрысь куасьто, собере гинэ отчы ыльнянь кадь нуйтӥськись асфальтэз кисьто. Гопе кисьтэм асфальт пиньын пломба кадь юнма.

Но 10 градуслэсь кезьыт лу­из ке, зор-кот усиз ке, ремонтникъёс ужаны уз ни быгатэ.

— Туннэ сюрес кот ке но, ужаммы луэ, — вера Ижысь ДРЭО предприятиысь валтӥсь инженер Борис Соловцов. — Ӵапак али асфальт зол пырдэ. Куазь я кезьыт, я шуныт кариськемен, ужмы данак. Ву асфальтлэн векчи пасьёсаз пыре, сое пушкысеныз йыръе. Соин сюрес пырдыны кутске, трос гопъёс кылдо. Ми выриськом кышкыт гопъёсын гинэ, нош тыро-пыдо ремонт тулыс кутскоз. Та пломба огдырлы гинэ пуктӥське, машинаослэн 
питранъёссы отчы медаз чукалэ, сюрес вылын кышкыт учыръёс медаз луэ шуыса.

Гопез аварийной мед лыдъялозы но ӵошкытатозы шуыса, солэн мурдалаез 5 сантиметр, нош пасьталаез 20 сантиметр яке талэсь тросгес луыны кулэ. Ижкарысь сюрес вылысь таӵе гопез адӟиды ке, жингыртэ Ижысь Карез умой каронъя но сюрес хозяйствоя службае 78-72-78 телефон номеръя.

Анастасия Шумилова

Ангелина Снигирева
By Ангелина Снигирева 3 марта, 2020 10:59
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<