Ижысь Туала драматургияя но режиссурая центрын ортчем блиц-батлын вормиз «Удмурт дунне» газетысь корреспондент Анастасия Шумилова

Ангелина Снигирева
By Ангелина Снигирева 25 марта, 2020 16:13
Драматургъёслэн батлазы вормиз А. Шумилова
Туспуктӥз Александр Шкляев

21-тӥ мартэ Ижысь Туала драматургияя но режиссурая центрын (ЦСДР) ортчиз драматургъёслэн блиц-батлзы. Отын вормисе потӥз «Удмурт дунне» газетысь корреспондент Анастасия Шумилова.

ЦСДР-ын 7-тӥ арзэ ужа драматургияя ШУД школа. Кылем арын школалэн ректорез, режиссёр Павел Зорин но драматургъёслэн дышетӥсьсы Валерий Шергин Ижысь драматургъёсты зуркатыны малпазы, соку ик та вожвылъяськон малпамын вал. Туэ батл эшшо но тунсыко мед луозы шуыса, Екатеринбургысь драматургез пыриськыны чортӥзы. Алексей Синяев — Николай Коляда драматурглэн дышетскисез, «Любимовка», «Евразия» но мукет фестивальёсын вормылэм гожъяськись.

А. Шумиловалэн «Подписчик» пьесаысьтыз суред
Туспуктӥз Александр Шкляев

Батллэн валтӥсь судьяез Валерий Шергин шуэ:

— ШУД-э ветлӥсь драматургъёслэн быгатонзы будэ. Но соос азьтэмъяськыны ярато, соин пьесаос уг гожъяло. Урокъёсын ялан шуо: дыр уг тырмы, уж тачак. Нош куке сётӥськод соослы задание, тема — 2 час куспын ог 3 бам гожто, котькудӥзлэн пьесаез кисьма. Нокыӵе бурдъясь мылкыдэз возьмано ӧвӧл.

Батлэн нырысетӥ люкетаз 8 драматург пыриськиз, полуфиналэ 4-ез потӥз, нош финалэ 3 автор пыриськиз. Март толэзе Валерий Шергин драматургъёсты 2 пол люкалляз быдэн 2 пьеса гожтон вылысь. Отӥяз пьесаосты тупатъяны кӧня ке дыр вал ик. Нош финалэ потэм авторъёслэсь 40 минут куспын пӧрам пьесаоссэс соку ик шара лыдӟизы. Учкисьёс асьсэос ик ним но бырйизы. Финалэ огез сюрем автор Евгений Булатов ӵапак ужрад дыръя Таиландысь Москвае бертэ вылэм (со сюрес вылын пьесазэ гожъяз) — соин учкисьёс ӵектӥзы карантинлы сӥзем пьеса гожтыны. Вормисез но учкисьёс бырйизы, куаразэс сётъяса.

А. Синяевлэн «Бомжор» пьесаысьтыз суред
Туспуктӥз Александр Шкляев

Пьесаосты сцена вылын лыдӟизы Les Partisans театрысь но ИРЗ театр-студиысь актёръёс. Драматурглэн усто гожъяськыны быгатэмез сяна, актёръёслэн быгатонлыкъёссы но вожвылъяськонын бадӟым инты басьтӥзы. Тани, шуом, монологез кылзыны секытгес кадь, но егит артист Александр Выклин сокем быгатыса пересь воргоронлэсь рользэ шудӥз — ваньзэсты горытӥз. Та пумысен Валерий Шергин вераз: пьесаез гожтыку, сое учкисьлы гинэ ӧвӧл, актёр сярысь малпаськыса но, гожтоно.

Ужрад 4 час пала кыстӥськиз, оглом 19 пьеса чузъяськиз. Тросаз туала вакытысь секыт югдур серекъяса кадь возьматэмын вал. Учкисьёслы кельшыны, тодазы кыльыны вырыса, авторъёс соосты шулдыртыны тыршизы. Но горон пыр малпаськонэ уськытӥсь ужпумъёс но возьматэмын вал.

Вера Штыкова

Ангелина Снигирева
By Ангелина Снигирева 25 марта, 2020 16:13
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<