Ижысь Национальной библиотекаын Лия Малых нылпи писательлэн творчествоезлы сӥзем ӝыт ортчиз

Ангелина Снигирева
By Ангелина Снигирева 18 марта, 2020 08:52

Пумиськонэ вуылӥзы шаерысьтымы журналистъёс, писательёс, литератураез гажасьёс, студентъёс, Лия Малыхлэн ӵыжы-выжыосыз. Писатель тодаз вайиз будон сюрессэ, мадиз, кызьы вордӥсько произведениосыз, лыдӟиз нылпиослы гожтэм выль чуръёссэ. Ӝутэмын вал сюлмаськытӥсь ужпумъёс но. Кызьы пичи пиналъёслэн дунневаланзы пыр вордӥське литература? Кызьы литература юрттэ пиналъёсты будэтыны? Мар аслыз Лия Малыхлы сётэ кужым гожъяськыны но ялан азьлань мыныны?

Лия Малыхез 60 аресэныз ӟечкыласа, творчествоез сярысь малпанъёссэс веразы «Удмурт дунне» газетлэн валтӥсь редакторез Зинаида Рябинина, солэн воштӥсез, писатель Елена Миннигараева, Удмуртиысь писательёслэн огазеяськонзылэн тӧроезлэн воштӥсез Ульфат Бадретдинов, критик Александр Шкляев, Национальной библиотекалэн кивалтӥсезлэн воштӥсез Анна Семёнова но мукетъёс. Туннэ нуналлы Лия Малыхлэн 4 книгаез потэмын. «Удмуртия» издательствоын туэ эшшо одӥгез потоз. «Боко но Моко» выжыкыл-повестезъя элькунысьтымы Мунё театрын спектакль пуктэмын, выжыкылъёсызъя 3 сериен мультфильм дасямын. Трос кужымзэ со сётӥз «Удмурт дунне» энциклопедиез дасянэ. Удмуртиысь дано журналист, А. Оки премилэн лауреатэз – Лия Малых кема аръёс ӵоже «Удмурт нылкышно кенеш» огазеяськонлэн правленияз пыриз, шаерысьтымы ветеранъёслэн огазеяськоназы ужаз. Пусъемын «Патриот России» медален.

Нош творчествоезлы сӥзем ӝытаз писатель паймытӥз на кибашлы луэменыз. Татысь адӟыны луиз писательлэсь но апайёсызлэсь киужъёссэс, чильпам-вурем дэремъёсты. Люкаськемъёсты Лия Яковлевна аслаз пӧраменыз кунояз, нылкышно секретъёссэ шараяз. Озьы вераськон эшшо но шуныт мылкыд пыӵатӥз.

Елена Миннигараева

Ангелина Снигирева
By Ангелина Снигирева 18 марта, 2020 08:52
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<