Юрттытэк улыны уг быгаты

Ангелина Снигирева
By Ангелина Снигирева 7 февраля, 2020 16:16

Алевтина Кутявина — Глазов ёросысь Педонгуртлэн старостаез, солэн сюлэм шунытэз но мылкыдыз котьмалы тырме: калыкез огазеяны, ужрадъёс радъяны, шуг-секытэ сюремъёслы юрттыны, удмуртлыкез ӝутыны.

А. Кутявина
Туспуктӥз: Лариса Гурьянова

Алевтина Анфирьевна — паймымон адями. Чебер куараез, «Гыдыке» ансамбле 10 арлэсь ятыр ветлэ ни. Колхозын ужакуз но, репетициослы котьку дыр шедьтылӥз, нош али удмурт мадьёсты (кырӟан) кырӟан понна арнялы 2 пол 6 иськеме пыдын ветлэ.

— Сюрес мыным ноку но секыт уг поты, — шуэ со, — пыдын мыныкум кылъёсты дышетӥсько, гуръёсты тодам вайисько.

Алевтина Анфирьевнаез гажало гуртоосыз но. Бордаз муш мумы котыре сямен кыстӥсько. Котькудӥзлы со умой кыл шедьтэ, мылкыдзэ ӝутыны быгатэ. Арлы быдэ со гурт арамаязы Педонгуртлэсь праздниксэ ортчытъя. Солэн юрттэмезъя гуртлэн историез сярысь «Педонгурт палъёсын» бичет поттэмын. Озьы ик Алефтина Анфирьевна Глазов ёросысь «Удмурт Кенешлэн» мыло-кыдо ёзчиез луэ, удмуртлыкез утисьёс понна «Табань» клуб усьтӥз, соосын валче пӧртэм ужрадъёс ортчытъя. Ӵем гинэ «кенешчиосты» дораз люкалля, ческыт пӧраськеменыз куноятэ.

Сюлэм шунытсэ но саклыксэ гутоосызлы но уг жаля.

— Алефтина Анфирьевна Педонгуртын милям нырысетӥ юрттӥсьмы, солэн сюлмаськемезъя гуртын ву кошкон гумыос тупатэмын, кылем арын ошмес утялтэмын, арлы быдэ ортчыло пӧртэм праздникъёс, — вера Гылёгурт поселенилэн администрацияз ужась Валентина Князева. — Бен, Алефтина Анфирьевна пенсионер ини, но со сюлмыныз висе калыкез понна, сомында лэсьтэ гуртэз азинтон вылысь. Педонгуртын огназы улӥсь, висись адямиос вал. Нырысь-валысь Алефтина Анфирьевна гурт калыкез соослэсь юртъер котырзэс утялтыны, пу пильылыны люкалляз. Бӧрысь аслаз коньдонэныз соосты больницаостӥ нуллӥз, документ лэсьтыса, пересьёслэн юртазы интыяз. Сыӵе сюлмо адямиос чиньыен лыдъямон ук. Алевтина Анфирьевна выллем адямиос пӧлын аслад но ӟечгес, шунытгес луэмед потэ.

Удмурт Ключи гуртысь библиотекарь Светлана Наговицына

Ангелина Снигирева
By Ангелина Снигирева 7 февраля, 2020 16:16
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<