Югдытӥсьёслэн пытьыоссыя

Ангелина Снигирева
By Ангелина Снигирева 17 февраля, 2020 10:02

Туэ Герд лыдӟонъёс нырысьсэ Удмуртилэн палэназ выжозы. Конференциез 27-тӥ феврале дӥняз пумиталоз Башкирия. Отын Кузебай Гердлэн улонэз, творчествоез сярысь пӧртэм пумо докладъёс гинэ уз чузъяське, аспӧртэм квест шудон но ортчоз.

К. Герд

«Удмурт Кенеш» огазеяськон Герд лыдӟонъёсты нырысьсэ 1988-тӥ арын радъяз, ужрад Кузебай Герд вордӥськем дырысен 90 ар тырмонлы сӥземын вал.

Берло сое удмурт югдытӥсьлэн юбилейёсаз ортчытъязы. Нош 2000-тӥ арысен лыдӟонъёс арлы быдэ луо ини, ужрадэз пӧртэм 
темаослы сӥзё: «Кузебай Герд но удмурт кыл», «Кузебай Герд — дано дышетӥсь» но мукет.

Лыдӟонъёс пӧртэм ёросъёсын ортчылӥзы ини. Кылсярысь, 2018-тӥ арын Кузебай Гердлы 120 ар тырмысал, та бадӟым лыдпуслы луыса ужрад югдытӥсьлэн вордӥськем палъёсаз ортчиз: Вавож ёросын Партчи гуртын тодосчиос Гердлэсь улон сюрессэ котыр ласянь эскеризы.

Та дырозь Герд лыдӟонъёс Удмуртиез гинэ котыръязы, туэ со палэнын улӥсь удмуртъёс доры потоз.

— Башкирие ӵем вет­лӥськомы творческой коллективъёсын, ансамбльёсын, — вераз «Удмурт Кенеш» огазеяськонлэн тӧроез 
Татьяна Ишматова. — Таӵе научной ужрад отын улӥсьёс понна бадӟым юрттэт луысал, нош Герд лыдӟонъёслы выль омыр, выль шокчон пыӵатысал.

Конференция Удмуртилэн кунлык басьтэмезлы сӥземын. Лыдӟонъёс «Трокай Борисов, Кузебай Герд но Максим Прокопьев — Удмурт кунлыкез кылдытӥсьёс» нимамын. Кам сьӧрын туж гажало Максим Прокопьевез, кылем арын, солы сӥзьыса, ужрад но ортчытӥзы, нош Янаул ёросын Каймашабаш школа борды сое буре ваён пул шуккизы, ас вакытаз со отын дышетӥсь луыса ужаз.

Докладъёсты лыдӟозы тодмо удмурт тодосчиос, студентъёс но нылпиос, ужалозы адӟытонъёс.

Удмурт кун университетысь студентъёс нылпиослы квест-шудон дасяло, отын соос быгатозы визьзэс сынаны.

Берло вакытэ Герд лыдӟонъёсын ик пусъё Кузебай Герд нимо йӧскалык премилэсь лауреатъёссэ. Туэ 2 азьмынӥсь воргоронъёсты висъязы: Башкириысь удмуртъёслэн центренызы кивалтӥсьлэсь воштӥсьсэ Юрис Саитовез но Удмуртиысь калык кырӟанъя но эктонъя «Айкай» театрлэсь кивалтӥсьсэ Пётр Даниловез.

Кузебай Герд нимо премиез «Удмурт Кенеш».

Мария Емельянова

Ангелина Снигирева
By Ангелина Снигирева 17 февраля, 2020 10:02
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<