Удмуртие вуылӥз Россилэн Президентэзлэн Приволжск федерал округъя оскем муртэз Игорь Комаров

Ангелина Снигирева
By Ангелина Снигирева 28 февраля, 2020 12:47
Нацпроектъёс пумысен кенешон дыръя
Туспуктэм: udmurt.ru

Нунал куспын со пӧртэм интыосы вуылӥз, котрес ӝӧк сьӧрын кенешиз нацпроектъёсты шаерамы пыӵатон ужпумъёс сярысь. 
Игорь Комаровез пумитаз Удмуртилэн Тӧроез Александр Бречалов. Нырысь ик соос дыртӥзы Ижысь Эшъяськонъя юртэ. Отын «Быдӟым Вормонлы – 75 ар» медален сӥлы каризы Быдӟым оже пыриськем ветеранъёсты: Владимир Сочневез, Иван Татаркинэз, Алексей Рыловез, Михаил Касаткинэз, Надежда Светлаковаез. 
Бӧрысь радъяськиз Ижысь усточи пиналъёслэн «ТАУ» центренызы тодматскон. Игорь Комаров пумиськылӥз та центрын тодон-валан люкась нылпиосын, учкиз-эскериз отысь лабораториосты – соос узырмытэмын роботъёсын, ЗD принтеръёсын но трос мукет. «ТАУ» центре ик вуиллям Воткинскысь «Юбилейный» дворецысь калык театре пыриськись нылъёс но пиос. Кылем арын соос студентъёс пӧлын 2-тӥ интые потӥзы ПФО-ын ялэм «Театральное Приволжье» конкурсын. Утӥзы 140 сюрс манет тыр грант. Нялтас вераса, та вожвылъяськон сӥземын вал Россиын театрлэсь арзэ пусъёнлы, отчы пыриськизы ПФО-ысь 150 сюрслэсь ятыр егитъёс. Воткинсысь егитъёс И. Комаровен но А. Бречаловен ваче син кенешизы, шараязы азьланез пумысен малпанъёссэс: егитъёс полысь уноез улонзэс герӟаны малпало театрен. Туэ та конкурс азинтӥськоз Удмуртиын, со усьтӥськоз 27-тӥ мартэ. Таяз радэ со сӥземын луоз Быдӟым Вормонлы 75 ар тырмонлы, быръемын луоз Быдӟым ож сярысь тужгес устоез постановка. 
Егитъёсын пумиськон бере резиденциын ортчиз нацпроектъёсты шаерамы пыӵатонлы сӥзем кенешон. Отчы пыриськизы пӧртэм удысъёс понна кыл кутӥсь кивалтӥсьёс. Игорь Комаров тужгес но бадӟым саклык висъяны куриз гуртъёсын ФАП-ёсты пуктонлы, демографияя но семья ужпумъёслы, классэн кивалтӥсьёслы ватсаса уксё тыронлы но трос мукет. А. Бречалов ивортӥз: туэ нацпроектъёсты шаерамы быдэстонлы висъяськоз 16 миллиард 200 миллион манет. Та уксёлэн бадӟым люкетэз кошкоз социальной удыслы.

Елена Никитина

Ангелина Снигирева
By Ангелина Снигирева 28 февраля, 2020 12:47
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<