Одӥг интыын — 13 амал

Ангелина Снигирева
By Ангелина Снигирева 17 февраля, 2020 16:44
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

9-тӥ феврале Ижысь «Чекерил» спорткомплексын ортчиз тол амалъёслы сӥзем нунал. Мылкыд карисьёс спортысь 13 амалэ пыриськизы, та нуналэ шудытӥськизы 45 комплект медальёс.

Гын сапеген хоккей
Туспуктэм: udmurt.ru

Шаерысьтымы нимо-дано спортсменъёс та нуналэ мастер-классъёс возьматӥзы. Дано биатлонист Иван Черезов винтовкаен шонер ыбылӥськыны дышетӥз, «Удмуртия» командалэн вратарез Владимир Каманцев следж-хоккеен шудонъя тренировка ортчытӥз, гурезьын нискыланы дышетскизы инвалид пиналъёс, фигурной катаниея школае ветлӥсь нылпиос покчиосты но арлыдоосты йӧ вылэ поттӥзы.

Вань мылкыд карисьёс та нуналэ куасэн бызьылӥзы, гурезьысь куасэн но сноубордэн нискылазы, мини-хоккеен, кёрлинген но лымы вылын футболэн шудӥзы. Ӝоглыкез яратӥсьёс ӵыпет йӧ вылын машинаен, картинген, квадроциклэн ворттылӥзы. Тужгес трос калык люкаськиз хоккеен шудонэ – 15 команда. Таяз учыре хоккеистъёслэн пыдъёсазы гын сапегъёс. Вормисе потэм командаослы спорт дӥськут кузьмазы вал. Нош соос, ӟеч уж лэсьтыса, утэм кузьымзэс Ижысь нылпи юртлы сётӥзы.

Куасэн бызьылонъя «Олимпийская надежда» ӵошатсконэ 850 адями пыриськиз, эшшо 100-лэсь ятырез скандинав амалъя вамышъяны дышетскизы. Соос та нуналэ кин 3, кин 5 иськемез ортчизы.

Валентина Емельянова

Ангелина Снигирева
By Ангелина Снигирева 17 февраля, 2020 16:44
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<