Башкортостанысь Выль Татышлы гуртын ортчизы К. Герд лыдӟонъёс

Ангелина Снигирева
By Ангелина Снигирева 28 февраля, 2020 11:29
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Лыдӟонъёс дыръя
Туспуктӥз: М. Егоров

К. Герд лыдӟонъёс нырысьсэ ортчизы Удмуртилэн палэназ. Ужрадэ Удмуртиысь бадӟым делегация вуылӥз: «Удмурт Кенеш» огазеяськонлэн азьветлӥсьёсыз, Национальной музейын но библиотекаын ужасьёс, К. Герд нимо гимназиысь дышетӥсьёс но пиналъёс, Удмурт кун университетысь студентъёс, «Мынам Удмуртие» ТРК-ысь, «Удмурт дунне» газетысь журналистъёс, тодмо тодосчиос. Со сяна Герд лыдӟонъёсы пыриськизы Башкортостанысь вань удмурт ёросъёсысь 100-лэсь трос активистъёс. Ужрад сӥземын вал Удмуртилэн кунлык басьтон дырысеныз 100 ар тырмонлы. Макем бадӟым инты басьтӥзы та ужын удмурт азьветлӥсьёс Кузебай Герд, Максим Прокопьев но Трофим Борисов? Та но мукет юанъёсъя докладъёс лэсьтӥзы писатель но публицист Николай Кузнецов, филология наукаосъя кандидат Александр Шкляев, педагогика наукаосъя кандидат Валентина Ившина, филололгия наукаосъя доктор Ранус Садиков, филология наукаоъся кандидат Леонид Ившин но мукетъёс.

Тужгес яркыт, сюлэмез бугыртӥсь доклад лэсьтӥз Франциысь тодосчи Ева Тулуз. Люкаськем калык азьын со быдэсак удмурт сямен вераськиз.

Герд лыдӟонъёс дыръя ик К. Герд нимо премиен пусъемын вал удмурт азьветлӥсьёс — Башкортостанысь национально-культурной автономилэн одӥгез азьветлӥсез Юрис Саитов но «Айкай» театрлэн кивалтӥсез Пётр Данилов.

— Башкортостанысь удмурт движениез улӟытыны 1992-тӥ арын кутским, — тодаз вайиз Юрис Саитов, — туж секыт учыръёс но вал. Та уже туж бадӟым кужымзэ понӥз милям азьветлӥсьмы Ренат Галямшин. Солэн кужымез, мылкыдыз ваньзэс азьлань валтӥз. Ми понна со Кузебай Герд выллем. Азьланяз но тыршом удмурт культураез, калыкез ӝутыны, ог-огмес валаса ужалом.

Герд лыдӟонъёс дыръя ик Башкортостанысь удмурт пиналъёс понна визь сынан радъямын вал. Нылпиос удмурт элькунэн, удмурт калыкен герӟаськем пӧртэм юанъёслы валэктонъёс утчазы.

Нош культурая юртлэн фойеаз киужъёсын, удмурт газет-журналъёсын адӟытонъёс радъяськизы.

Ужрад яркыт концертэн йылпумъяськиз. Удмуртилэн палэназ улӥсь удмуртъёс туж быгатыса возьматӥзы, макем гажало соос асьсэ культуразэс, макем ярато но утё сям-йылолъёссэс, кырӟан-эктонъёссэс.

Елена Миннигараева

Ангелина Снигирева
By Ангелина Снигирева 28 февраля, 2020 11:29
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<