Адями шудо, сое ярато ке

Ангелина Снигирева
By Ангелина Снигирева 28 февраля, 2020 15:54

Национальной библиотекаын ортчиз «Тӧро сэрег» пумиськон. Таяз радэ отчы куное вуылӥз Дышетон удысысь национальной ужпумъёсты эскеронъя институтлэн кивалтӥсез, педагогикая наукаосъя кандидат Надежда Ураськина.

Н. Ураськина

Пумиськон ӵапак Анай кыллэсь нуналзэ пусъён азьын тупаз. Нош ужрадлэн «тӧроез» люконтэм герӟаськемын удмурт кылэз дышетонэн но утёнэн.

Надежда Ураськина мадиз пичи дырыз, дышетскон но будон аръёсыз сярысь. Надежда Ивановна – ӵош ужан эш, кивалтӥсь, дышетӥсь, чебер кышномурт но оскымон кузпал. Со сярысь веразы ужрадэ вуэм куноос.

— Надежда Ивановна туж яратэ аслэсьтыз ужзэ. Со сыӵе ик яратэ но данъя удмурт кылэз. Уг кышка шуг-секытлэсь, котьку шуэ: вормомы, быгатомы. Тани электрон учебникъёс кылдытыны Дышетонъя но наукая министерство ӝыны ар дыр сётӥз. Мар бордысен кутсконо, кызьы лэсьтоно – нокин уг тоды. Нош Надежда Ивановна «лэсьтом» шуиз. Берло тодӥмы: министерство но уг оскы вылэм, ми та ужез вормомы шуыса. Озьы 6 толэзь куспын 13 электрон учебник дасямын вал. Надежда Ивановна милемыз бурдъя но, дунъя но, — шуэ Дышетон удысысь национальной ужпумъёсты эскеронъя институтысь наукая валтӥсь ужась Юлия Байтерякова.

Н. Ураськинаез ӟечкылаз Национальной библиотекалэн кивалтӥсез Татьяна Тенсина:

— Мон удмурт сямен ог 30 процентсэ гинэ вераськемез валасько ке но, туннэ туж тунсыко пумиськонэ вуи, малпасько. Тӥ верады бадӟым семьяын, 5 агай-вын пӧлын будэмды сярысь. Тӥледыз пичиысен яратон пӧлын эркияллям. Табере тӥ быгатӥськоды со мылкыддэс мукетъёслы сётыны, вӧзысьтыды адямиосты шудо карыны.

Надежда Ураськина но ассэ шудо адями шуэ:

— Мама мыным, кема возьмам нылызлы, семьяысь 5-тӥ пиналлы, кыӵе ке мукет ним дасям вылэм. Нош нэнэмы сое нодъям: Лина, нылыдлы Надя ним пон, со туж шудо луоз. Озьы кин ке монэ нима Нади, мукетыз — Надежда, куинетӥез — Надёжа, бадӟым братэ но мамае — «нылы». Шумпотӥсько, котырам валась но яратӥсь адямиос вань шуыса.

Елена Скворцова

Ангелина Снигирева
By Ангелина Снигирева 28 февраля, 2020 15:54
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<