74 удмурт авторъёсты огазеяз антология

Ангелина Снигирева
By Ангелина Снигирева 23 января, 2020 13:22
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Удмуртилэн кунлыкезлы 100 ар тырмонэз пусъён улсын «Удмуртия» издательствоын потӥзы «Туала удмурт поэзия» но «Туала удмурт проза» антологиос (12+).

Книгаос огазеязы пӧртэм арлыдо, пӧртэм сямен гожъяськись туала удмурт писательёсты. Котькуд книгалэн тиражез — 2 сюрс 500 экземпляр. Кылбуръёсын бичетэ пыремын 42 авторлэн чуръёссы, нош прозаен книгае — 32 авторлэн произведениоссы. Вань авторъёс лыдӟисьёслы тодмо ини, соослэсь ужъёссэс вылӥ дунъяло литератураез эскерисьёс но критикъёс. Удмурт литературалэн историяз таӵе проект ӧй на вал. Антологиос юрттозы удмурт литературалэсь туала туссэ, воштӥськемзэ валаны, кудпала мынэмзэ адӟыны. Таӵе книгаослэсь мӧзмизы вал ини критикъёс-литературоведъёс но, огшоры лыдӟиськисьёс но.

Шумпотӥськом, антологиосы «Удмурт дунне» газетын ужасьёслэн произведениоссы но пыризы шуыса. Прозаикъёс пӧлысь 16-ез редакциямы ужало яке ужамын, кылбурчиос пӧлысь — 11-ез. Со сяна, антологиосы пырем тросэз гожъяськисьёс газетлэн авторъёсыз но луо.

«Туала удмурт поэзия» но «Туала удмурт проза» книгаослэн презентацизы ортчоз февраль толэзе. Нош али издательствоын дасяло на «Туала нылпи литература» антологиез. Произведениос сяна, отын чебересь но яркытэсь суредъёс луозы.

Анастасия Шумилова

Ангелина Снигирева
By Ангелина Снигирева 23 января, 2020 13:22
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<