Эмъясьёсты будэтоно!

Ангелина Снигирева
By Ангелина Снигирева 9 января, 2020 10:17
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Кызьы валаса радъяно эмъюрттэт сётонэз? Та ужпумез пыр-поч сэрттӥзы-пертчизы Кун Кенешысь котрес ӝӧк сьӧрын — ужрадэз ортчытӥз Тазалыкез утёнъя, демографияя но семья ужпумъёсъя ялан ужась комиссия.

Кун Кенешын тазалыкез утён ужпумъёсты эскеро
Туспуктэм: басьтэмын udmgossovet.ru

Эмъянлэсь ӟечлыксэ будэтон сярысь туннэ вераськонъёс уг чусомо — быдэс страна азе бадӟымесь ужпумъёс пуктэмын.

— Туэ нырысетӥ арзэ пыӵатыны кутским национальной проектъёсты, — вераз Правительстволэн Тӧроезлэн воштӥсез Анастасия Муталенко. — Капчи ӧй вал. Но ужаны быгатэммес возьматӥм. Тазалыкез утёнэн герӟаськем куронъёсты быдэстэмезъя республикамы 10 устоосыз улосъёс пӧлы шедиз.

Республикаямы туэ тазалыкез утёнэн герӟаськем 6 улос проектъёс пыӵатӥськизы. Тазалыкез утёнъя министрлэсь ужзэ быдэсъясь Георгий Щербак верамъя, мар чакламын вал, ваньзэ быдэстыны быгатӥм. Кылсярысь, радъямын санавиацилэн ужез — солы луыса уно висисьёсты утьыны луиз ни. Со сяна, ватсаса басьтэмын питранъёс вылын ворттылӥсь 8 эмъян комплексъёс — соос вуыло пыдлось гуртъёсы. Больницаосын выльдӥське эмъян тӥрлык. Туала выль оборудование вуиз Лек пыктосъёсын нюръяськонъя элькун диспансере, матысь дыре диспансерлэн 7 ёзъёсыз ёросъёсын, городъёсын усьтӥськыны кулэ.

Поликлиникаос азе али валтӥсь ужпум пуктэмын — котькуд адями дыраз но ӟеч эмъяськыны мед быгатоз. Со сяна, эмъян удысысь нырысетӥ юрттэт сётонэн вырись вань учреждениослэсь ужзэс 2024-тӥ арозь радъянъя выль программалэн проектэз али дасяське. Озьы программае пыриськись больницаосын яке тупатъян ужъёс ортчозы, яке выль тӥрлык вуоз.

Больницаосын уг тырмо специалистъёс. Удмуртилэн Тӧроез А. Бречалов огаз ужрадын шуиз: матысь 4 ар куспын та ужпум быдэстэмын луыны кулэ. Кызьы? Одӥгез амал — Ижысь медициная кун академие, Ижысь медициная колледже тросгес егитъёсты целевой наборъя дышетыны келяно.

Элина Кумачёва

Ангелина Снигирева
By Ангелина Снигирева 9 января, 2020 10:17
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<