Шар вылын — удмурт шыр

Ангелина Снигирева
By Ангелина Снигирева 21 января, 2020 10:52

Туризмъя но калык киужъёсъя элькун центрын паймымон чебересь киужъёс вордско. Чеберлыкез кылдытӥсьёс пӧлын — Дэбесын вордскем егит кибашлы Анна Образцова.

А. Образцова
Туспуктӥз М. Егоров

Нылашез чеберлык пичи дырысеныз бордаз кыскиз. Школаын дышетскыкуз, со утчаз ассэ искусстволэн пӧртэм ӧръёсаз. Пиналъёслэн духовой оркестразы ветлӥз, черкысь хорын кырӟаз, балетэ но удмурт калык ансамбле пыриськиз. Ваньмыз та дышетӥз сое дуннеысь чеберлыкез адӟыны, киужез яратон пыӵатӥз, удмурт культураез валаны юрттӥз.

— Ӵужае туж ӟеч керттӥськиз. Нош солэн анаез верантэм чебер вашкала куэм дӥсез синмез ик мальдытэ вал, — шуэ Анна.

Суредаськыны Анна котьку яратылӥз. Пичи классъёсын дышетскыкуз, ӟуч калык росписен вырыны ӧдъяз. Нырысь-валысь уг пӧрмы вал ке но, ужзэ ӧз аналты.

А. Образцова йылпумъяз Удмурт кун университетысь Искусствоосъя но дизайнъя институтэз. Табере киужъёсъя элькун центрысь 
инкуазь материалъёсын ужанъя отделын валтӥсь методист луыса ужа. Со пӧртэм киужъёсты буя, мунёосты, мукет шудонъёсты чеберма. Центрысь мукет кибашлыосын валче калык киужъёс лэсьтон амалъёсты уте но азинтэ. Татысь ужасьёс экспедициосы ӵем поталляло, пӧртэм интыосы вуылыса, кибашлыосын верасько, вашкала киужъёсты эскеро. Экспедициосысь ваем вашкала удмурт арбериосты: сандыкъёсты, туй сарваосты, пу тусьты-пуньыосты, дӥськутэз — методистъёс эскеро но люкам тодон-валанзэс асьсэ ужазы куто. Вуж киужъёс возьмато, кызьы вашкалаосмы чеберлыкез валазы, вера А. Образцова. Со сяна, вашкала арбериос пыр адӟыны луэ, кыӵе кусып возизы удмуртъёс бускель калыкъёсын.

Люкам тодон-валанзэс центрысь усточиос калыке вӧлмытыны тыршо. Киужъёс лэсьтонъя мастер-классъёс ӵем гинэ ортчытъяло, мылкыд карисьёс курсъёсы но пыриськыны быгато. Дӥнязы пӧртэм арлыдо калык вуылэ: покчиос но, мӧйыос но.

— Тужгес но яра ужаны Удмуртилэн палэназ улӥсь удмуртъёсын. Татчы вуыса, соос выжызэс утчало, киужъёсын вырыса, калыксэс но асьсэзыз валаны тыршо, — вера Анна.

Мастер-классъёс ортчытъякуз, А. Образцова возьматэ, кыӵе вашкала пусъёсты, пужыосты удмуртъёс киужазы кутылӥллям. Со валэктэ, кызьы соосты туала вакытэ шонер суредано, киужез быгатыса буяно.

Выль арлы киужъёсъя центрын дасязы кызэз чеберъяны чаклам муспотон шудонъёс. Чилясь шаръёс вылэ Анна суредаз пӧртэм ёросъёсысь удмуртъёслэн дӥсенызы пӧрмытскем шыръёсты, комакъёсты. Озьы туала чебер шудонъёс возьмато калык дӥсьлэсь аспӧртэмлыксэ.

Анналы анимациен но вырыны яра. Со суредъёссэ компьютерын улӟытэ. Азьланяз нылашлэн удмурт мультфильмъёс лэсьтонъя зэмос студия усьтэмез потэ.

Анастасия Шумилова

Ангелина Снигирева
By Ангелина Снигирева 21 января, 2020 10:52
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<