Шаер, калык, вормон сярысь

Ангелина Снигирева
By Ангелина Снигирева 28 января, 2020 09:27

Вормон нуналлы 75 ар тырмон аре «Мынам Удмуртие» телерадиокомпания ялэ «Быдӟым Вормонлы сӥзисько» конкурс.

Туспуктӥз: В. Емельянова

Отчы пыриськыны быгато удмурт кырӟанъёслэн авторъёссы, нимаз кырӟасьёс но коллективъёс. Вожвылъяськонэ ыстоно шаерысьтымы калыклэсь чеберзэ, лул­кужымзэ данъясь, ожын но ужын Вормон нуналэз матэктытон понна тыршем адямиосты сӥлы карись, вордскем музъемез яратонлы сӥзем кырӟанъёсты.

 Удмурт кылын патриотической кырӟанъёсмы туж ӧжыт, — вера конкурсэз радъясь Светлана Белых.  Соин вожвылъяськонэз ортчытӥськом: егитъёслы кылзымон-быдэстымон удмурт кырӟанъёс тросгес мед луозы. Война дыръя кырӟан калыкез бурдъялляз, лулэз улӟытылӥз. Войнаез валаны егит мурт быгатоз, семьяезлэн историяз бугыръяськыса но. Соин ми «ВКонтакте» вотэс бамын нимысьтыз группа усьтӥм — отчы ваньзы пуктыны быгато геройлыко ожмаськем, фронт мышкын ужам ӵыжы-выжыоссы сярысь гожъямъёссэс, тодэ ваёнъёссэс.

Гожтэм кырӟанэз но солэсь кылъёссэ 15-тӥ мартозь ыстоно vormon75@yandex.ru электрон почтае. Пусъёно, кин гожтӥз кырӟанлэсь крезьгурзэ но кылъёссэ, гожтоно авторлэсь но кырӟасьлэсь телефонзэс яке электрон почтазэс.

Жюри 3 устозэ кырӟанэз быръёз. Со сяна, радио кылзӥсьёс но куараоссэс сётозы. Вормисьёс коньдон кузьым басьтозы, Вормон Нуналэ кырӟанъёссы радио пыр чузъяськозы.

Юанъёсын вазиськоно, 8(3412)600553 номеръя жингыртыса яке vormon75@yandex.ru электрон почтае гожтыса. Положениен тодматскыны луэ конкурслэн «ВКонтакте» бамаз.

Анастасия Шумилова

Ангелина Снигирева
By Ангелина Снигирева 28 января, 2020 09:27
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<