А. Бречалов пумиськылӥз Д. Медведевен

Ангелина Снигирева
By Ангелина Снигирева 15 января, 2020 14:23

Удмуртилэн Тӧроез Александр Бречалов пумиськылӥз Россиысь Правительстволэн Тӧроеныз Дмитрий Медведевен, вераськон мынӥз шаерамы бадӟым лэсьтӥськонлэн мынэмез сярысь.

Пумиськылӥзы Д. Медведев но А. Бречалов
Туспуктэм: udmurt.ru

А. Бречалов Д. Медведевлы нырысь ик тау кариз, кема кыстӥськись лэсьтӥськонъёсты – Дэри ёросысь Совхозной гуртысь школаез но Ижысь нылпи садэз – кун ласянь юрттэт вуэмен валче йылпумъяны луиз шуыса.

А. Бречалов вераз национальной проектъёслэн быдэсъяськемзы сярысь. «Ижевские электрические сети» предприятиез «Россетилы» вузаса, Удмуртия 3,5 миллиард манет поттӥз. Та уксё кутӥське школаосысь, нылпи садъёсысь укноосты, липетъёсты вошъяны, озьы 2019-тӥ – 2020-тӥ аръёс ӵоже ог 700 объектъёс выльдӥськозы. Азьвыл та ужъёслы троссэ 150 миллион манет висъяськылӥз.

2019-тӥ ар Удмуртиын тазалыкез утёнлы сӥземын вал. Озьы «Тазалыкез утён» но «Демография» нацпроектъёс улсын Уваын сюлэмез но сэръёсты эскеронъя центр усьтӥськыны дасяське, больницаосы выль тӥрлык вуэ. «Демография» нацпроектъя 27 ясли пуктэмын — 2 сюрс 160 нылпилы инты кылдӥз. 2020-тӥ – 2021-тӥ аръёс куспын эшшо 2 сюрс 220 нылпиос садике мыныны быгатозы.

Д. Медведев верамъя, поликлиникаосысь но больницаосысь тӥрлыкез выльдонлы, врачъёслы ӟечгес ужаны, калыклы каньылгес эскериськыны луонлыкъёс кылдытэмын луозы.

УД

Ангелина Снигирева
By Ангелина Снигирева 15 января, 2020 14:23
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<