440 воштонъёс

Ангелина Снигирева
By Ангелина Снигирева 12 декабря, 2019 15:55

10-тӥ декабре ужзэ азинтӥз Кун Кенешлэн 18-тӥ сессиез. Эскерем ужпумъёс пӧлын валтӥсез луиз Удмуртилэсь 2020-тӥ но матэктӥсь 2021-тӥ-2022-тӥ аръёслы бюджетсэ юнматон.

Кун Кенешын сессия ортче
Туспуктэм: udmgossovet.ru

Вуоно арлы элькун бюджетэз депутатъёс 1-тӥ лыдӟемен учкизы ноябре ортчем сессиязы. Кызьы вераз Бюджетъя, вытъя но коньдон ужпумъёсъя ялан ужась комиссиен кивалтӥсь Юрий Тюрин, 2-тӥ лыдӟон азьын 470 ватсанъёс но воштонъёс вуизы на, пӧлазы — Удмуртилэн Тӧроезлэсь но. 440 поправкаосты депутатъёс лыдэ басьтӥзы.

Ваньмыз сямен воштонъёс герӟаськемын Россилэн бюджетысьтыз ватсаса 7,6 миллиард манет вуонэн. Та коньдон пичиен-пичиен трос удысъёслы люкылэмын. Кылсярысь, 506,8 миллион манет ватсамын дышетон удыслы — нылпиосты сюдыны, учебникъёс басьтыны, школьникъёслэсь ваньмон дырзэс радъяны.

Тазалыкез утён удыслэн «кисыез» 1,05 миллиард манетлы зӧкгес луиз — уксё ватсамын эмъюм басьтыны, туберкулёзэз алонлы, секыт операциос пыр потэмъёсты санаторийёсы келяны.

Гурт удыслы ватсамын 666 миллион манет — азьмынӥсь хозяйствоослы юрттыны, гуртъёсты азинтыны. Калыкез нуон-ваёнэн вырись организациослы чакламын на 302 миллион манет, со пӧлысь бадӟым люкетэз — льготникъёсты ворттылытонлы. Озьы ик казнаоссы кӧнялы ке йылӥзы на лэсьтӥськон, ЖКХ, инкуазез утён, спорт, экономика но мукет удысъёслэн. Кылсярысь, 326 миллион манет лыктыны кулэ ЖКХ удысэз выльдонъя фондысь.

— Бюджетмы Россилэн Президентэныз пуктэм вань ужпумъёсты быдэсъялоз, — пусйиз Юрий Тюрин. — Национальной проектъёс пыӵатӥськозы, бюджетысь бадӟым люкетэз коньдон социальной удысэ кошкоз. Уката тросэз — тазалыкез утён, дышетон удысъёслы. Бен, ваньмызлы уксё уг тырмы. Но ар ӵоже бюджетэ воштонъёс пыртыны луоз на. Ватсаса коньдон вуиз ке, сое одно ик висъяно луоз удмурт но мукет кылъёсын изданиосты поттонлы, Быдӟым Вормонлы 75 ар тырмонэн валче гуртъёсысь синпелетъёсты выльдонлы, гуртъёсын жуг-жаг люкан интыосты радъяны.

2-тӥ лыдӟемен юнматэм бере бюджетлэн доход люкетэз ог 78 миллиард, расход люкетэз 77,6 миллиард манет пала луиз, профицитэз — 446,6 миллион манет.

Элина Кумачёва

Ангелина Снигирева
By Ангелина Снигирева 12 декабря, 2019 15:55
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<