Улонысь кошкиз Москвалэн азьвыл мэрез Юрий Лужков

Ангелина Снигирева
By Ангелина Снигирева 10 декабря, 2019 16:35
Ю. Лужков

Солы 84 арес вал. Юрий Лужковы вордскиз 21-тӥ сентябре 1936-тӥ арын Москваын. 1958-тӥ арын йылпумъяз Москваысь нефтехимияя но газъя И. М. Губкин нимо институтэз, 1974-тӥ арысен тыршиз химия промышленностья министерствоын. 1987-тӥ арын сое юнматӥзы Москвалэн исполкомезлэн кивалтӥсезлы воштӥсе, со вакытэ ик басьтӥськиз Мосагропромен кивалтон борды. 
1992-тӥ арын 6-тӥ июне Россилэн со вакытэ президентэз Борис Ельцин Юрий Лужковез юнматӥз Москвалэн администрациезлы кивалтӥсе но шоркарлы мэре. Москваен кивалтӥз со 2010-тӥ арозь. Та дыр куспын шоркарын ӟеч радъяськиз вуз карон, тупатъямын вал уноез синпелетъёс, нош шоркарысь мӧйыос пенсизы борды ватсаса юрттэт басьтыны кутскизы. Мэрысь ас мылкыдызъя но дырызлэсь вазь кошкемез бере Юрий Лужков басьтӥськиз ужбергатон борды: Калининград удысын гурт хозяйствозэ усьтӥз, сиён-юон поттонэн выриз. 
Улонысь кошкиз со Германиын Мюнхенын сюлэмаз операция лэсьтэм бере. Ватозы сое Москваысь Новодевичье шайвылын.

Елена Тугашова

Ангелина Снигирева
By Ангелина Снигирева 10 декабря, 2019 16:35
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<