Можгаын луэм учырез син азяз возе Ужъя но калыклы улон-вылонын юрттон политикая министерство

Ангелина Снигирева
By Ангелина Снигирева 9 декабря, 2019 19:59
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Тодэ вайтон вылысь: городысь одӥгаз квартираын кулэмен шедьтэмын ДЦП-ен курадӟись 13 аресъем пияш но солэн анаез.

Та югдурез пыр-поч эскерон понна Удмуртилэн Тӧроез куремъя нимысьтыз штаб кылдытэмын. Эскеронъёс борды басьтӥськизы следовательёс, Удмурт Правительство, нылпилэн правоосызъя оскем мурт, Ужъя но калыклы улон-вылонын юрттонъя министерство.

Ужъя но калыклы улон-вылонын юрттонъя министр Татьяна Чуракова ивортэмъя, туннэ нуналлы тодмо ни кышномурт пиеныз кык комнатаем ӟеч квартираен улӥзы. Пиналлэн дышетскыны но шутэтскыны тупась сэрегъёсыз вал, анаезлэн лулсэръёсыз тазаесь вал. Пияш инвалидэн лыдъяськиз, со ӧз быгатылы ассэ ачиз утялтыны, вераськыны, мукет адямиосын кусып возьыны. Со нимысьтыз программая дышетскиз дораз. Шудтэм учырез шараян азьын арня ӵоже кӧня ке пол соос доры вуылӥзы дышетӥсьёс но соцработникъёс, ӧсъёсты нокин ӧз усьтылы, кышномурт телефонзэ ӧз кутылы. Мар семьяен луиз вераны ӧз быгатылэ бускельёссы но. 3-тӥ декабре кылдэм югдур пумысен вазиськон келямын вал полицие. Азьланяз ужъёс быдэсъяськизы быдэ вуымтэослэн инспекциенызы ӵош.

Та учыръя уголовной уж ӝутэмын. Тодэ вайытон вылысь пинал кынмыса кулэм, нош анаез кулыса арня кылле вылэм ни. Кыӵе муген улонысь кошкиз кышномурт тодмо ӧвӧл на — эскеронъёс ортчыто.

Улонысь кошкем пияшез но анайзэ ватӥзы туннэ, 9-тӥ декабре. Ватӥськон ужрадъёсты ас вылаз басьтӥз город. Кулэмъёсын люкиськыны вуизы ӵыжы-выжыоссы, тодмооссы, бускельёссы — ог 70 мурт.

Удмурт дунне

Ангелина Снигирева
By Ангелина Снигирева 9 декабря, 2019 19:59
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<