Мед гочатоз ӟеч уж!

Ангелина Снигирева
By Ангелина Снигирева 11 декабря, 2019 15:16

Гажано эшъёс! Дэмласькомы пыриськыны социальной рекламая «Улӥз ке гурт — улоз Россия» конкурсамы.

Можга ёросысь Пазялын спортэн вырон инты кылдӥз
Туспуктэм: Н. Кокарева

Мар со сыӵе социальной реклама? Огъя учыръёсы реклама мае ке вузан, кыӵе ке товарен гочатон понна чакламын. Нош таяз радэ сыӵе гочатон луыны кулэ кыӵе ке ӟеч уж, гурт улонэз азинтыны но воштыны юрттӥсь акция яке сюлмаськытӥсь ужпумлы саклык висъян вылысь ужрад.

И. Чернышева

— Али сыӵе ужрадъёс тросэтӥ ортчыло, но адямиос уг ик малпасько, кыӵе ке бадӟым но кулэ луись уж лэсьто шуыса, — вера Удмурт кун университетысь социальной рекламая дышетӥсь Ирина Чернышева. — Кылсярысь, ветеран огазеяськонъёсысь адямиос нылпиосын валче пересьёс дортӥ ветло, соослы кузьым дасяло. Яке кин ке быдэс гуртэн таза улонэн эшъяське. Кытын ке пичиез но, бадӟымез но ӵош музей ӝуто, вашкалазэ, удмурт калык сям-йылолъёсты утён пумысен сюлмасько. Мукетъёсыз гурт котыразы писпуос мертто, жуг-жагез утялто. Ваньзэ тае, туспуктыса но пичияк яркыт, ӧтён кылъёс гожтыса, социальной рекламалы пӧрмытыны луэ. Та пичи суредъёсты учкыса, мукетъёсыз но ӟеч ужъёсты асьсэ дорын лэсьтыны мед бурдъяськозы. Со понна ик кулэ социальной реклама.

Ӵектӥськомы гуртын улон, калыклэн сюлмаськонъёсыз, вормонъёсыз сярысь суредъёсын, туспуктэмъёсын, аудиоверанъёсын ужъёс дасяны.

Отчы ӵектыны луэ:

— газет-журналэ печатланы ярась плакатъёс, листовкаос — ыстоно пӧртэм амалъёсын быдэстэм суредъёс яке туспуктэмъёс, компьютерен быдэстэм графика. Отын луыны кулэ кыӵе ке малпанэз, ӧтёнэз, куронэз. Суред борды умой луоз вакчи но яркыт кылъёс ватсаны;

— Интернет-баннер — дасяно Интернет сайтъёсы интыяны ярамон анимированной яке статической баннер;

— аудиоролик — куараё файл, гожтоно DVD яке мукет носитель вылэ. Со 1 минутлэсь кузь луыны кулэ ӧвӧл.

Конкурсэ ужъёсты ыстоно 1-тӥ февралёзь «Удмурт дунне» газетлэн редакцияз яке газетлэн электрон адресаз udmdunne@yandex.ru, «Фейсбукысь», «ВКонтактеысь», «Одноклассникиысь» группаосаз, «Гурт адями — 2019» шуыса пусйыса.
Конкурс сярысь пыр-почгес тодыны но положениосын тодматскыны луэ, «Удмурт дуннелэн» сайтысьтыз «Гурт адями — 2019» люкетэ пырыса.

Удмурт дунне

Ангелина Снигирева
By Ангелина Снигирева 11 декабря, 2019 15:16
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<