«Кебитэ» кулэ гожъяськисьёс

Ангелина Снигирева
By Ангелина Снигирева 18 декабря, 2019 16:49

Литературалы сӥзем «Кебит» лаборатория удмурт кылын гожъяськисьёсты вожвылъяськонэ пыриськыны ӧте.

Конкурсэ 14-ысен 34 аресозь гожъяськисьёслэн пыриськемзы луэ. Кылбурчиослы 3 яке тросгес кылбур ыстоно, прозаикъёслы — 2 яке тросгес верос, драматургъёслэсь 2 пьеса витё, критикъёслы 2 статья лэзёно, переводчикъёслы — 3 кылбурез, 3 веросэз яке одӥг пьесаез удмурт кылэ берыктоно (произведениез котькыӵе кылысь берыктыны луэ).

Устоосыз кылбурчиос, критикъёс, драматургъёс, прозаикъёс но кылысь кылэ берыктӥсьёс понна вуоно арын 6-тӥ-9-тӥ феврале «Дзержинец» лагерьын дышетскон радъяськоз. Отчы кутозы 40 гожъяськисьёсты. Кутскись писательёсын ужалозы Екатеринбургысь драматург но сценарист Ярослава Пулинович, Екатеринбургысь прозаик но критик Роман Сенчин, Лымшор Кореяысь Чунг-Анг университетысь профессор, переводчик Лариса Писарева. Со сяна, егитъёсты дышетозы тодмо удмурт писательёс, критикъёс но переводчикъёс. «Кебитэ» пыриськем гожъяськисьёслэн ӟеч ужъёсынызы бичет поттыны чаклало вуоно арын май толэзе.

Конкурсэ пыриськон понна «Кебитлэн» «ВКонтакте» бамаз — vk.com/litkebit — пыроно, отын интыям анкетаын асьтэ сярысь верано, произведениостэс ыстоно. Куриськонъёсты кутозы 15-тӥ январёзь.

Виктория Крамова

Ангелина Снигирева
By Ангелина Снигирева 18 декабря, 2019 16:49
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<