Ижкарын яркыт тылъёсын воректӥзы Выль ар кыз но йӧ кар

Ангелина Снигирева
By Ангелина Снигирева 28 декабря, 2019 11:14
Лымы ныл но Тол бабай (udmurt.ru)

Городын мытэмын «Мечты — это про100» фестиваль. Ужрад кутскиз, 27-тӥ декабре, Шор площадьын валтӥсь Выль ар кызэз но йӧ карез усьтон бордысен. Выль ар ортчоз Удмуртилэн кунлык басьтэмез дырысен 100 ар тырмон но малпанъёсты быдэстон улсын.

Нырысь ик куноосты пумитазы выль арлэн пусъёсыз – Моня но Соня шыръёс. Калыкен валче соос выжы писпуез улӟытӥзы но лыктэмъёсты удмурт выжыкылъёсы, мадёсъёсы зымытӥзы.

Кызэз яркыт тылъёсын ӝуатыны лыктӥзы Тол бабай но Лымы ныл. Выжыкылысь герой шор площаде аспӧртэм сямен вуиз — Удмуртиысь Правительстволэн юртэзлэн липет йылаз инмысь васькыса. Нялтас вераса, 20 метр ӝуждала кыз удмурт пужыосын шоголлямын.

Вань люкаськем калык кыз котырын кырӟанъёс мытӥз, сцена вылысен крезьгуро концерт учкиз. Калыкез матэктӥсь праздникен ӟечкылаз Ижкарлэн йырыз Олег Бекмеметьев. Кивалтӥсь вераз, 28-тӥ декабре Выль ар кызъёс ӝуатскозы тросэтӥ азбаръёсын, нуналлы быдэ 19 часысен 7-тӥ январёзь калык понна городын пӧртэм шулдыръяськонъёс малпамын. Выль ар уе Шор площадьын яркыт тылъёсын шоу возьматозы.

Ужрадъёслэн афишаеныз тодматскыны луоз удмуртия100.рф сайтын.

Ангелина Снигирева
By Ангелина Снигирева 28 декабря, 2019 11:14
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<