Егит куараосты кыло

Ангелина Снигирева
By Ангелина Снигирева 9 декабря, 2019 09:20
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Удмурт кыллэсь нуналзэ пусъён улсын Удмуртиысь Тӧролэн но Правительстволэн администрациенызы кивалтӥсь Сергей Смирнов егит удмурт гожъяськисьёсын пумиськиз.

Удмурт егит гожъяськисьёс Тӧролэн резиденцияз
Туспуктэм: udmurt.ru

Удмурт литератураез азинтон пумысен малпанъёссэс веразы кылбурчи но кырӟась, удмурт литератураез вотэсын вӧлмытӥсь Богдан Анфиногенов, прозаик, блогер но драматург Дарали Лели, кылбурчи Анастасия Шумилова, литературалы сӥзем «Кебит» лабораторилэн авторез, веросчи Алина Крестьянинова. Мылкыдзэс озьы ик шараязы кутскись авторъёс Татьяна Ильина но Владимир Ешкеев. С. Смирнов но Кун Кенешысь ялан ужась комиссилэн кивалтӥсез, «Удмурт Кенеш» огазеяськонлэн тӧроез Татьяна Ишматова егитъёсты сак кылзӥзы.

Егитъёс ӵектӥзы удмурт литературалы сӥзем фестиваль но удмурт детективъёс гожтонлы сӥзем конкурс ортчытыны, видеокылбуръёсын бичет дасяны, ёросъёсысь школаосын пумиськонъёс радъялляны, тросгес удмурт книга печатланы. С. Смирновлы та малпанъёс яразы. Калыклы пайда вайись кичӧлтонъёсты улонэ пыӵатыны одно юрттом, оскытӥз Сергей Витальевич.

С. Смирнов шумпотэмзэ вераз, матысь дыре туала удмурт литературалы сӥзем 2 томъем антология потоз шуыса. Со сяна, нылпи литературалы сӥзем 3-тӥ том дасямын луоз на. Та антологиос возьматозы, кыӵе тусыз удмурт литературалэн, мае асьмелы азинтоно.

Элькунмылэн кунлыкезлы 100 ар тырмонлы сӥзем ужрадъёс ортчо ни, вуоно арын быдэс Россиын Быдӟым Вормонлы 75 ар тырмонэз пусъёмы. Таин валче С. Смирнов малпаськыны ӵектӥз, кызьы та праздникъёсты пусъёнэ удмурт гожъяськисьёс пыриськыны быгатозы. Со оскытӥз: усто малпанъёс санэ басьтэмын луозы.

Сергей Захаров

Ангелина Снигирева
By Ангелина Снигирева 9 декабря, 2019 09:20
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<