Егитъёсты огазея парламент

Ангелина Снигирева
By Ангелина Снигирева 20 декабря, 2019 14:46

Туэ Егитъёслэн парламентсы 10 ар тырмонзэ пусйиз. Та дыр куспын улонэ уно проектъёс пыӵазы.

Егитъёслэн парламентэнызы али кивалтэ К. Алексеев (шорысез)
Туспуктэм басьтэмын Егитъёслэн парламентсылэн «ВКонтакте» бамысьтыз

2009-тӥ арын Кун Кенешын нырысьсэ люказы Егитъёслэсь парламентсэс. Со дырысен егитъёсын дэмлам законъёсты котьку лыдэ басьто, кылсярысь, Егитъёслэн парламентсы ӵектӥз Удмурт Элькунысь волонтёръёслы юрттэт сётонъя законэз юнматыны, 2018-тӥ арын Кун Кенеш сое кутӥз.

Егит парламентарийёс пӧртэм ужрадъёс ортчытъяло: Россилэн но Удмуртилэн историзыя тестъёс, политикалы сӥзем урокъёс…

— Ми малпаськомы, егитъёс юртто милемлы лэчыт ужпумъёсты ӝутыны, пӧртэм шуг-секытъёсты вормыны. Ос­кисько, азьланяз но Кун Кенешысь Егитъёслэн парламентсы ӟеч ужалоз, — шуиз парламентлэн Тӧроезлэн вош­тӥсез Владимир Невоструев.

Удмуртиысь егитъёс Кун Дума бордысь Егитъёслэн парламентэнызы но кусып возё: конференциосазы, форумъёсазы, сессиосазы пырисько.

— Удмуртиен котьку но умой ужаськомы, — вераз Кун Дума бордысь Егитъёслэн парламентсылэн кивалтӥсез Мария Воропаева. — Удмуртиысь егитъёсты быдэс Россиын дунъяло. Парламентын басьтэм тодон-валанъёс егитъёслы улытозязы кулэ луозы. Парламент огазея егитъёсты, кудъёсыз тунсыкъясько политикаен, соослэн потэ кунмес ӟеч пала воштэмзы.

Али Удмуртиын Егитъёслэн парламентсылэн 4-тӥ созывез ужа. Соин Константин Алексеев кивалтэ.

— Милям вань тунсыко проектъёсмы, — вера со, — соос бордын али пыр-поч ужаськомы. Кылсярысь, потэ дэмламмы, анай капитал чотын корка газ пыртыны мед луоз шуыса. Тросэз парламент пыр потэм егитъёс улонзэс политикаен герӟало: депутатъёс луо, ёросъёсын кивалто, малпасько, со ӟеч возьматэ, элькунмылы Егитъёслэн парламентсы туж кулэ шуыса.

Соин соглаш парламентлэн мукет ёзчиез Степан Черепанов но.

— Асьмелэн котькуд ёросын Егитъёслэн парламентъёссы вань, но соос ӵемысь ог-огзэс адӟытэк, кылытэк кылё. Соин ик дэмлай ёрос парламентъёслэсь кусыпъёссэс юнматыны. Та проектмы улонэ туж ӝог пыӵаны кутскиз, быдэс ар ӵоже ёрос парламентарийёс доры потамы. Табере эшшо но тросгес малпанъёс быдэсмозы.

Степан парламентлэн куль­­турая комитетэзлэн ки­вал­тӥсезлэн воштӥсез луэ.

— Татын ужаса, валаськод, кызьы законъёс пӧрмо, — шуэ Степан. — Озьы ик тодматскиськод азьмынӥсь егитъёсын, соин ик аслад но выль уж борды басьтӥськемед потэ.

Мария Емельянова

Ангелина Снигирева
By Ангелина Снигирева 20 декабря, 2019 14:46
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<