Дышетон инты — портал

Ангелина Снигирева
By Ангелина Снигирева 3 декабря, 2019 12:54
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Шаерамы туэ удмурт кылэз дышето 191 школаосын. Татын 17 сюрс 495 пинал визь люка. Кылем арын гинэ сыӵе школаос 200 вал, отын дышетскизы 18 сюрс 458 нылпиос.

Т. Ишматова

Табере угось нылъёс-пиос анай кылэз дышетыны быгато, мумы-бубыоссы директорлы куриськон гожтыса гинэ. Дышетонъя но наукая министерство югдурез вала. Министр Светлана Болотникова верамъя, азьланяз чакламын удмурт кылэз но литератураез дышетонъя аспӧртэм портал усьтыны. Отын нылпиос онлайн амалэн быгатозы тодон-валанзэс муромытыны.

Лэчыт ужпумъёс трос. Соин ик Пичи кенешын «кенешчиос» министерство азе куронъёс пуктӥзы. Кылсярысь, кылэз дышетон но утён понна туннэ кулэ кылдытыны удмурт кылэз дышетонъя огъя ресурсной центр. Татын луонлык кылдоз методикая, программаосъя юанъёслы валэктон шедьтыны, устоосыныз проектъёсын тодматскыны.

Татарстан но Башкортостан ёрме удмурт кылъя но литературая учебникъёслы. Та предметъёсъя учебникъёсты колледжъёсы дунтэк вӧлмытон сярысь но сюлмаськоно. Гуртъёсын Интернет лябен, компьютеръёс тырмымтэен, электронной учебникъёсын рос-прос ужаны луонлыкъёс ӧвӧл. Оло, дыр вуэмын удмурт кылэз дышетӥсь школаослэсь директоръёссэс нимысьтыз премиен пусйыны. Озьы ик нылпи садын 2 кылэз кутыса ужась воспитательёсты дунъяно.

Туннэ тросаз дышетон учреждениосын удмурт кылын вывескаос уг адӟисько. Ужрадъёс дыръя удмурт крезьгур лэзьыны шугъясько. Та но мукет ужпумъёсты министерствоез «кенешчиос» куризы син азяз возьыны. Огез висьытӥсь юан — Можгаын но Глазовын Ижысь К. Герд нимо гимназия выллем центръёс кулэ.

Кылэз дышетон ужпум пӧлэстӥське анай кылын потӥсь изданиосты, радио- но телепередачаосты вӧл­мытонэн но. Ёрос газетъёсын потӥсь удмурт ватсэтъёсты азинтыны кулэ. Удмурт кылын радио- но телепередачаосын лэчыт ужпумъёс ӝутъяно. Та юанъёсъя валче ужаны малпаськомы Печатья но ивор вӧлмытонъя агентствоен. Но нырысь ик анай кыл чузъяськыны кулэ семьяын. Со асьме бордысь потэ!

Татьяна ИШМАТОВА, «Удмурт Кенеш» огазеяськонлэн тӧроез

Ангелина Снигирева
By Ангелина Снигирева 3 декабря, 2019 12:54
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<