Выль арлы кузьым — «Удмурт дунне»

Ангелина Снигирева
By Ангелина Снигирева 11 декабря, 2019 14:45
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Выль ар азьын Дэри ёросысь Депутатъёслэн Кенешсы 50 адямилы кузьмаз «Удмурт дунне» газетлы подписка. Озьы вуоно арысен ёросысьтызы мыло-кыдо удмуртъёс, ветеранъёс газетэз дунтэк лыдӟыны быгатозы.

Дэри ёросысь общественной кенешлэн кивалтӥсезлэн воштӥсез, «Удмурт Кенеш» огазеяськонлэн ёросысь ёзэныз кивалтӥсь Л. Биянова
Туспуктӥз М. Егоров

— Вуоно арын Удмурт Элькунмы 100 ар тырмонзэ пусъёз, 75 ар тырмоз Быдӟым Вормон дырысен. Ваньзэ тае лыдэ басьтыса, удмурт движение кема аръёс ӵоже пыриськылэм активистъёсмылы но ветеранъёслы кузьым лэсьтыны малпам, — шуэ Дэри ёросысь общественной кенешлэн кивалтӥсезлэн воштӥсез, «Удмурт Кенеш» огазеяськонлэн ёросысь ёзэныз кивалтӥсь Лидия Биянова.

Лидия Михайловналэн верамезъя, ёросысь депутатъёс удмурт изданилы гожтӥськонлэсь кулэлыксэ валазы, угось адӟо ук, удмурт движениысь активистъёс мыло-кыдо ужало пӧртэм удысъёсъя. Гожтӥськонлы ёрослэн бюджетысьтыз оглом 20 сюрс манет висъямын. Зэм, газетэз почта пыр басьтоно ке, солэн дуныз бадӟым луэ. Соин ик Дэри ёрос администрациысь машина «Удмурт дунне» газетлэн редакцияз арнялы быдэ ачиз вуылоз.

— Удмурт активистъёслы но ветеранъёслы сяна, газетъёс мынозы ёросысьтымы удмурт школаосы, удмурт кылэз но литератураез дышетонлы бадӟым саклык висъясь дышетӥсьёслы, удмурт гуртъёсысь библитекаосы, — ватса на Лидия Михайловна. — Таӵе амалъя ик ми «Кенеш» журналлы гожтӥськиськом ни. Пайдаез туж шӧдӥське. Озьы ми кыл вылын гинэ ӧвӧл, уж вылын но нациосын ужан политикая стратегиез пыӵатӥськом, со понна ёросамы нимысьтыз программамы но вань.

Елена Панфилова

Ангелина Снигирева
By Ангелина Снигирева 11 декабря, 2019 14:45
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<