Ваньмыз шонер лэсьтэмын

Ангелина Снигирева
By Ангелина Снигирева 12 декабря, 2019 15:44

1994-тӥ арын 7-тӥ декабре Вылӥ Кенеш юнматӥз Удмурт Республикалэсь Конституцизэ. Солы 25 ар тырмонэз пусъён ужрад ортчиз Кун Кенешын.

В. Тубылов кивалтон дыръя Удмуртилэн 3-тӥез конституция кутэмын вал
Туспуктэм: udmgossovet.ru

Сӥё-дано ужрадэ трос калык люкаськиз: Конституциез дасянэ, юнматонэ пыриськемъёс, Кун Кенешысь депутатъёс, Правительствоысь кивалтӥсьёс, Удмурт Республикалэн дано гражданинъёсыз, муниципал кылдытэтъёслэн йыръёссы, Кун Кенеш бордын ужась Егитъёслэн парламентазы пырисьёс.

— 1994-тӥ арын юнматэм Конституция Удмуртилэн историяз 3-тӥез луиз, — пусйиз Кун Кенешлэн Тӧроез Алексей Прасолов. — Со вакытэ выльдӥськон мынӥз, Компартия куашказ, депутатъёс ужпумъёс шоры пӧртэм синмын учкыны кутскизы, мылкыдъёссы бугыръяськизы. Но Валентин Тубылов — ӵапак солы оскемын вал Вылӥ Кенешлэн 12-тӥ ӧт­чаменыз кивалтон — югдурез кияз кутыны быгатӥз. Шуг-секытъёс шоры учкытэк, Валтӥсь законмы кутэмын вал. Туннэ асьме азьын сылӥсь ужпум — Конституциын пусъем законъёсты чак­лан но быдэсъян, калыклэсь правооссэ утён но шаермес котыр ласянь азинтон.

Правительстволэн Тӧро­ез Ярослав Семёнов пусйиз: арлы быдэ 12-тӥ декабре пусйиськомы Росси­лэн Конституциезлэсь нуналзэ. Кунмылэн Валтӥсь законэз юнматэмын вал 1993-тӥ арын. Нырысетӥ интые по­тӥз адями: солэн правоосыз но эрикъёсыз. Та сярысь ик сюлмаськизы асьме депутатъёс но, 1994-тӥ арын элькунмылэсь Конституцизэ кутыкузы.

Со вакыт сярысь тодэ вайытӥз Удмурт Республикалэн дано гражданинэз, 12-тӥзэ ӧтчам Вылӥ Кенешлэн тӧроез Валентин Кузьмич Тубылов:

— Огыр-бугыр вакыт учыраз соку. 1991-тӥ арын август толэзе кылдӥз кышкыт учыръёсъя кун комитет, нош 1993-тӥ арын ыбылӥзы Россилэсь Вылӥ Кенешсэ. Вылысьтыз вылаз вуылыны ӧдъязы телеграммаос: одӥгаз косонъёссэ ыстэм КПСС-лэн ЦК-езлэн огдырлы юнматэм секретарез Г. Янаев, мукетаз — Россиысь Вылӥ Кенешлэн тӧроез Б. Ельцин. Кудӥзлэсь косонъёссэ быдэстоно? Соку мон Вылӥ Кенешлэсь Президиумзэ люкай но шуи: вань сюлмаськонъёсты Вылӥ Ке­неш ас вылаз басьтэ, ас чакламезъя радъя. Дыр возь­матӥз: ваньзэ соку шонер лэсьтӥськеммы, Вылӥ Кенешмы тус-тас ӧз луы, калыкез но бугыръяськонъёслэсь утимы. Али осконтэм кадь потэ ни: федерал центрын кун ёзъёсын югдур сокем валантэм вал, визь-кенеш курыса, вазиськыны но нокинлы вал. Компартия куашкамын, депутатъёслэн учконзы пӧртэм: кудӥз ке азьло сямен малпаське, мукетызлэн чылкак выль учконэз. Озьы одӥг ужпумез эскерон арняосын кыстӥськиз. Ӵапак таӵе югдурын дасямы элькунмылэсь Конституцизэ. Шумпотӥсько, со улэп, законъёсыз быдэсъясько, калыклэн правоосыз утемын.

Кун Кенешлэн Тӧроез А. Прасолов В. Тубыловлы кузьмаз Удмурт Республикалэсь Конституцизэ. Со чебер вылбамо, юри поттэмын 25 ар тырмонэзлы. Таӵе кузьымен пусъемын 12-тӥзэ ӧтчам Вылӥ Кенешысь мукет депутатъёс но: Николай Сычёв, Валерий Благодатских, Владимир Сегал. Сӥё-дано ужрад йылпумъяськиз концертэн: капчи мылкыд кузьмазы Удмуртиысь хор капелла но «Шулдыр ӝыт» ансамбль.

Елена Никитина

Ангелина Снигирева
By Ангелина Снигирева 12 декабря, 2019 15:44
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<