Будэтэ вордӥськем музъемзэс гажасьёсты

Ангелина Снигирева
By Ангелина Снигирева 28 декабря, 2019 09:13

Можга ёросысь Пазял поселениын бадӟым командаен сямен ужаськом: кин ке кыл кутэ калык пӧлын туризмез, спортэз азинтон понна, мукетыз культураез ӝутэ. «Родина» хозяйствоысьтымы валтӥсь бухгалтер Дмитрий Темиров нылпиосмы вордӥськем музъемзэс гажась мед будозы шуыса сюлмаське. Сое ӵектэммы потэ «Гурт адями» конкурслэн «Ӟеч сюлэм» номинацияз.

Будэтэ вордӥськем музъемзэс гажасьёсты, изображение №1

Дмитрий Анатольевичез гурт калык понна вань сюлмыныз висись адями шуыны луоз. Вордӥськиз со Пермь улосын, дышетскиз Сарапулысь техникумын, бухгалтерлы. Быдэс семьяеныз лыктӥз улыны Можга ёросысь Пазялэ. Озьы 30 арлэсь кема тырше ини гурт хозяйствоямы. Кӧня колхоз кивалтӥсьёс воштӥськизы ни, нош Дмитрий Анатольевич ужзэ оскымон, яратыса нуэ, соин гурт хозяйство но, поселение понна но воштонтэм луэ.

Поселениямы туж мыло-кыдо калык улэ, мар ке лэсьтыны куроно ӧвӧл, асьсэос малпанъёсын, ӵектонъёсын муниципал кылдытэ лыкто. Тани Дмитрий Анатольевичен огкылысь трос пумо ужрадъёсты берыктӥськом: Вормон Нунал-а со, Арлыдоослэн нуналзы-а, 1-тӥ Май-а, котькытчы вутске Д. Темиров. Та воргорон котыраз одӥг малпанэн улӥсь адямиосты люканы быгатэ, соос чиньы-пӧлы кадь одӥг кырым кылдыто, котькыӵе ужез зол пӧрмыто.

Дмитрий Анатольевич армиын пограничник вал. 15 ар ӵоже ини поселениысь пограничникъёслэн огазеяськонэнызы кивалтэ, «Патриоты границы» элькун огазеяськонлэн ёзчиез луэ, ёросамы общественной кенеше быръемын.

Арлы быдэ со ёросысьтымы пограничникъёс пӧлын спартакиада ортчытэ. Со сяна, дышетскисьёс пӧлын бадӟым валэктон уж нуэ, тодматэ пограничниклэн уженыз, пияшъёслы армия пыр ортчонлэн кулэлыкез сярысь валэктэ. Арлы быдэ 1-тӥ-9-тӥ классъёс пӧлын военно-спортивной подготовкая спартакиада радъя. Нылпиос строен ветло, ыбылӥсько, военной подготовкалэн теориеныз тодматско, турполосаез ортчо. Та полосаез дасянэз Дмитрий Анатольевич ас вылаз ик басьтэ. Та вожвылъяськонэ пыриськем нылпиосын альбом нуэ, арлы быдэ туспуктэмъёсын адӟытон радъя. Ар ӵоже пӧртэм ужрадъёсын асьсэ устоен возьматэм класслы колхоз кытчы ке мыныны коньдон висъя. Нылпиосмы ветлӥзы ни Воткинскысь Чайковскийлэн музеяз, кылем арын Ижкаре вуылӥзы. Визь погъёсты тазьы пусйылыны огкыл кутӥзы гурт хозяйство но школа, таӵе ӟеч кичӧлтонэн вазиськиз вал Д. Темиров.

Озьы ик Дмитрий Анатольевич ёросысьтым Депутатъёслэн Кенешсылэн 4-тӥ ӧтчамезлэн депутатэз луэ. Туж мыло-кыдо пыриське инициативной бюджетированиея ужрадъёсы.

Дмитрий Анатольевич Удмуртиысь Кун Кенешлэн, Россиысь Гурт удысъя министерстволэн Данъя грамотаосынызы пусъемын, ёросысьтымы устоез бухгалтер луылэмын.

Надежда Кокарева, Можга ёросысь Пазял поселенилэн кивалтӥсез

Ангелина Снигирева
By Ангелина Снигирева 28 декабря, 2019 09:13
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<