Асьсэлы кузьым лэсьтӥзы!

Ангелина Снигирева
By Ангелина Снигирева 6 декабря, 2019 14:50
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Дэри ёросысь ӵӧжгуртъёс (шор постолъёс) туж шумпотэмын: та нуналъёсы гуртазы усьтэмын хоккеен шудон коробка!

Хоккен шудонъя коробкалы вань гуртоос шумпотэмын
Туспуктэм: udmurt.ru

Гуртоос сое кемалась возьмало ни вал. Угось тросэз ваньмон дырзэс йӧ вылын ортчытыны ярато. Школаязы хоккеен шудонъя командазы вань. Ма, ас командазэс кылдытӥзы ни мӧйыос но.

— Гуртамы хоккеен шудыны инты вал ини, — вера Шор Постол администрациен кивалтӥсь Андрей Степанов. — Но со пулэсь гинэ лэсьтэмын вал. Соин ик аръёс ортчемъя ярантэм луиз, сое тыро-пыдо тупато вал ни.

Гуртоос «Интыосысь кичӧлтонъёс» программа сярысь тодӥзы но шуизы: кортлэсь выль коробка пуктоно! Озьы проект дасязы, конкурсын вормизы. Элькун бюджетысь соослы 700 сюрс манет висъямын вал, эшшо 105 сюрс манет шедьтӥз ёрос, сомындазэ ик асьсэос гуртоос бичазы. Гуртоос асьсэос ик лэсьтӥськон уже но пыриськизы. Озьы огъя кужымен, мылкыдын асьсэлы асьсэос кузьым лэсьтӥзы!

Шор Постолысь нылпиослэн командазы
Туспуктэм: udmurt.ru

Гуртоосты Тӧролэн Александр Бречаловлэн нимыныз ӟечкыланы вуылӥз Правительстволэн Тӧроезлэн воштӥсез Анатолий Строков. Со шуиз:

— «Интыосысь кичӧлтонъёс» программая туэ республикаысьтымы 84 проектъёс тужгес устоен лыдъямын, соос пӧлысь 3-ез — Дэри ёросысь. Проектъёслы элькун бюджетысь 50 миллион манет висъямын вал. Нош вуоно арын сое 150 миллионозь йылэтыны чакламын ни. Озьыен, калыкъёслэсь тросгес кичӧлтонъёссэс улонэ пыӵатыны быгатом.

Кызьы вераз Дэри ёрослэн йырыз Константин Русинов, Ӵӧжгуртын хоккеен шудон коробка усьтэм бере районысь мукет гуртъёсын улӥсьёс но та программалы оскыны кутскизы: 2019-тӥ арын 7 проект гожтӥзы вал ке, 2020-тӥ арлы 20-ез дасямын ни.

Ӵожгуртын хоккеен шудон площадкаез сӥё-дано усьтэм бере ик нырысетӥез эшлыко вожвылъяськон радъяськиз. Шор Постол школаысь команда ӵошатскиз Олимпийской резервъя школаын дышетскисьёсын.

Нош гуртоос таин гинэ буйгатскыны уг медо: вуоно арлы выль проект дасязы ни: нылпиослы шудыны площадка, пе, кулэ.

Сергей Захаров

Ангелина Снигирева
By Ангелина Снигирева 6 декабря, 2019 14:50
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<