Яратонзы но удыссы — одӥг

Ангелина Снигирева
By Ангелина Снигирева Ноябрь 14, 2019 12:31

Таяз арня нуналэ асьсэлэсь праздниксэс пусйизы югдурез утён удысын ужасьёс. Удмуртиысь калыклэсь улонзэ нуналмысь чаклало но кышкыт учыре юрттыны дась луо 6 сюрс мында полицейскойёс.

Сарапулысь Бутаков кузпалъёс югдурез утисьёс луизы.
Туспуктэм: udmurt.ru

МВД-ын ужасьёсты но ветеранъёсты ӟечкылаз, туэ ар ӵоже ужамзылы йылпумъянъёс лэсьтӥз Удмурт Республикая югдурез утёнъя министрлэсь ужзэ огдыре быдэсъясь Олег Мальцев. Полициын тыршисьёсты ӟечкылазы Правительстволэн но Тӧролэн администрациенызы кивалтӥсь Сергей Смирнов, Кун Кенешлэн Тӧроезлэн нырысетӥ воштӥсез Владимир Невоструев, Удмурт Республикая валтӥсь федерал инспектор Сергей Панов но мукет кивалтӥсьёс.

Котькуд нунал, асьсэлэсь улонзэс но тазалыксэс жалятэк, полицейскойёс служба нуо. Соослы оскемын югдурез чакланы бадӟым ужрадъёс дыръя но. Кылсярысь, арня талэсь азьло Удмуртиын ортчиз дзюдоя Европалэн первенствоез. Татын трос полицейскойёс дежурство нуизы, азязы пуктэм куронъёсты рос-прос быдэстӥзы.

Полициын тыршисьёс — кышкасьтэмесь, шаплыесь, оскымонэсь воргоронъёс но нылкышноос. Соос пӧлын ужало туж данъяськымон адямиос. Тани Ижысь Октябрь ёросысь участковой Виталий Миролюбов полициын ужа 15 арлэсь кема. Алигес со пыриськиз Россиын радъям «Устоез участковой» конкурсэ, Россиысь 20 устоосыз радэ шедиз. Табере полициысь майорлэн азьланяз но службаяз бадӟымгес вормонъёс басьтэмез потоз.

МВД-ын ужасьёс котьку дась подвигъёслы но. Кыл-
сярысь, Воткинскысь ГИБДД-ысь инспекторъёс Андрей Шутов но Дмитрий Булдаков тылэ пыроно луизы. Соос ӝуась коркась 3 муртэ поттыны юрттӥзы. Озьы ик Ижысь Машиностроитель посёлокын патруль нуись пиос — 
Фаниль Валиахметов но Андрей Дерюшев — адямиосты тылпулэсь утизы.

Дэри ёросысь Сизьгуртысь кузпалъёс ноку уз вунэтэ пизэс быронлэсь утисез Егор Волковез. Кылем арын школаысь бертӥсь 11 аресъем пияш дораз ӧз вуы. Ӟонгырам нылпиез, 2 час ортчыса, тэльысь шедьтӥз инспектор-кинолог Егор Волков. Покчи лейтенант, пияшез бушлатаз бинялтыса, анай-атаез доры вуттӥз.

Таӵе геройёс шоры учкыса, ужаны мылкыдзы кылдэ егитъёслэн но. Тани Сарапулысь полицилэн радъёсаз вуизы пинал кузпалъёс Екатерина но Алексей Бутаковъёс. Соос дышетсконзэс «витьёслы» гинэ йылпумъязы. Екатерина участковойлэсь удыссэ бырйиз, нош Алексей ГИБДД-ысь инспектор луиз. Егит полицейскойёслы бадӟым ужрадын ӟеч тыршыны сӥзизы.

Адӟем карымон полицейскойёс та нуналэ трос кун наградаос но кузьымъёс басьтӥзы. Ваньмызлы шумпотон но капчи мылкыд кузьмазы МВД-лэн культурая центрысьтыз «Лира» коллектив, нылпиослэн «Мурзилки» эктонъя студизы, кырӟанъя но эктонъя «Италмас» ансамбль. 

Елена Скворцова

Ангелина Снигирева
By Ангелина Снигирева Ноябрь 14, 2019 12:31
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<